ޒިކުރާ މިސްކިތް ހުރި ބިމުގައި އަޅާ ވަގުތީ މިސްކިތުގައި މި ހުކުރު ދުވަހު ނަމާދުކުރަން ފަށާނެ
21 އެޕްރީލު 2021 | ބުދަ 14:30ވަގުތީ މިސްކިތުގައި މިހާރު ހުރީ ތަޅުން އަޅާ ހިޔާކޮށް ނިމިފައި
ޒިކުރާ މިސްކިތް ހުރި ބިމުގައި އަޅާ ވަގުތީ މިސްކިތް
ޒިކުރާ މިސްކިތް ހުރި ބިމުގައި އަޅާ ވަގުތީ މިސްކިތުގައި މި ހުކުރުގައި ނަމާދު ކުރަން ފެށޭވަރުވާނެ ކަމަށް އިސްލާމިކް މިނިސްޓްރީން ބުނެފިއެވެ.
އިސްލާމިކް މިނިސްޓްރީން މިހެން ބުނީ ރައީސުލް ޖުމްހޫރިއްޔާގެ ނާއިބު ފައިސަލް ނަސީމް ޒިކުރާ މިސްކިތް ހުރި ބިމުގައި އަޅާ ވަގުތީ މިސްކިތުގެ މަސައްކަތް ހިނގަމުންދާގޮތް ބައްލަވާލެއްވުމާއި ގުޅިގެން ކުރެއްވި ޓުވީޓެއްގައެވެ. އިސްލާމިކް މިނިސްޓްރީން އިތުރަށް ބުނީ ވަގުތީ މިސްކިތުގައި މިހާރު ހުރީ ތަޅުން އަޅާ ހިޔާކޮށް ނިމިފައި ކަމަށެވެ.
ރާއްޖެއެމްވީއަށް މައުލޫމާތު ދެމުން އިސްލާމިކް މިނިސްޓްރީން ބުނީ މިސްކިތުގައި ދެން ކުރިއަށް ދާނީ ތަޅުމުގެ މަސައްކަތްތާއި ސައުންޑް ހަރުކުރުމުގެ މަސައްކަތް ކަމަށެވެ.
މި މިސްކިތަކީ އިސްލާމިކް މިނިސްޓްރީ އާއި ސަރުކާރު ހިއްސާވާ ކުންފުނިތައް ގުޅިގެން އަޅާ މިސްކިތެކެވެ.
މިސްކިތުގެ މަސައްކަތް މިއަހަރުގެ އޭޕްރިލް މަހުގެ 16 ވަނަ ދުވަހު ފަށާފައިވާއިރު 500 މީހުންނަށްވުރެ ގިނަ މީހުންނަށް މި ތަނުގައި ނަމާދު ކުރެވޭނެއެވެ.
