އިނގިރޭސީ ރާނީ އެލިޒަބެތް ދެވަނަ ގެ ފިރިކަލުން ޕްރިންސް ފިލިޕްގެ ޖަނާޒާ ބާއްވައިފިއެވެ.
ލައިވްކޮށް ޓީވީން ދުރައް ދެއްކި މަންޒަރުގައި ފެނިގެން ދިޔައީ ޝާހީ އާއިލާގެ ބައެއް ބޭފުޅުން ޖަނާޒާގައި ބައިވެރިވި މަންޒަރެވެ. ކޮވިޑްގެ ހާލަތާއި ގުޅިގެން އާއިލާގެ ބޭފުޅުން ތިއްބެވީ ދުރުދުރުގައެވެ. އެންމެ ފަހު ފަހަރަށް ރާނީ ފިލިޕަށް އަލަވަދާއު ދެންނެވި އިރު އިންނެވީ ކަޅު ހެދުމެއް ތުރުކުރައްވައިގެން ގިނިކަންޏާއެވެ.
ފިލިޕްގެ ޖަނާޒާގައި ބައިވެރިވުމުގެ ފުރުސަތު ލިބިގެންދިޔައީ ގާތްގަނޑަކަށް 30 ވަރަކަށް ބޭފުޅުންނަށެވެ. މީގެ ތެރޭގައި ފިލިޕްގެ އާއިލާގެ ބައެއް ބޭފުޅުންނާއި، ފިލިޕްގެ ބޭފުޅުންގެ އިތުރުން ކާފަދަރިންނާއި މުނި ކާފަ ދަރިން ހިމެނެއެވެ.
ފްރިންސް ފިލިޕް ފަސްދާނުވެޑުވުމުގެ ރަސްމިއްޔާތު ބާއްވާފައިވަނީ ކެންޓަބަރީ ކެތީޑްރަލްގައެވެ. ޕްރިންސް ފިލިޕް ފަސްދާނުވެޑުވީ ވިންޑްސޯ ކާސަލްގައި ހުންނަ ސެއިންޓް ޖޯޖު ޗެޕަލްގައެވެ.
އާލާސްކަންފުޅާ އުޅުއްވުމަށްފަހު ފިލިޕް އަވަހާރަވީ މި މަހުގެ 9 ވަނަ ދުވަހުއެވެ. މިއަހަރުގެ ކުރީކޮޅު ވެސް ޕްރިންސް ފިލިޕްގެ ހާލުކޮޅު ދެރަވެ، ހޮސްޕިޓަލުގައި އެޑްމިޓްކޮށްގެން ފަރުވާދީފައިވެއެވެ. އޭރު މަހެއް ވަންދެން އެޑްމިޓްކޮށްގެން ފަރުވާދީފައިވެއެވެ. ޕްރިންސް ފިލިޕްގެ ހަޔާތުގެ ބޮޑުބައި ހޭދަ ކުރެއްވީ ދުޅަހެޔޮ ސިއްހަތެއްގައެވެ. ނަމަވެސް 2011 ވަނަ އަހަރު ހިތުގެ ނާރެއް ބްލޮކްވެގެން ފަރުވާ ހޯއްދަވާފައިވާއިރު 2012 ވަނަ އަހަރު ބްލެޑަރގެ އިންފެކްޝަނަކަށް ފަރުވާ ހޯއްދަވާފައިވެއެވެ.
ޕްރިންސް ފިލިޕާއި ރާނީ އެލިޒަބަތު ކައިވެނިބައްލަވައިގަތީ 1947 ވަނަ އަހަރުއެވެ. އެއީ އެކަމަނާ ރާނީގެ މަގާމާ ހަވާލުވެވަޑައިގަތުމުގެ 5 އަހަރު ކުރިންނެވެ. އަވަހާރަވިއިރު ޕްރިންސް ފިލިޕާއި ރާނީގެ އެލިޒަބަތުގެ 4 ބޭފުޅުން ތިއްބަވައެވެ.
ޕްރިންސް ފިލިޕަކީ ދިވެހިރާއްޖެއިން މެހުމާނުންނަށް އަރުވާ އެންމެ މަތީ ޝަރަފުކަމަށްވާ ނިޝާން އިއްޒުއްދީނުގެ އިއްޒަތުގެ ޝަރަފު 1972 ވަނަ އަހަރުގެ މާޗް މަހު އެރުވިފައިވާ އިއްޒަތްތެރިއެކެވެ.
