ކޮވިޑް ނަމްބަރު ހޮނިހިރު ދުވަހު ބޮޑުތަނުން ދަށަށް
އަލަށް ޕޮޒިޓިވްވާ މީހުންގެ އަދަދު ވަނީ ކުރިއަށްވުރެ ދަށްވެފައި
މާލެ ސަރަޙައްދުގައި ކޮވިޑް-19 އަށް ރެންޑަމް ސާމްޕަލް ނެގުމަށް ޓީމުތަކުން ޙަރަކާތްތެރިވަނީ
ރާއްޖެއިން 88 މީހަކު ކޮވިޑް 19 އަށް އަލަށް ޕޮޒިޓިވް ވެއްޖެއެވެ.
ހެލްތު ޕްރޮޓެކްޝަން އެޖެންސީގެ ތަފާސްހިސާބުތަކަށް ބަލާއިރު އަލަށް ޕޮޒިޓިވްވި 88 މީހުންނާއެކު، މިހާތަނަށް ރާއްޖެއިން ޕޮޒިޓިވްވި މީހުންގެ ޖުމްލަ އަދަދު ވަނީ 25،524ށް އަރާފައެވެ.
ހޮނިހިރު ދުވަހު ޕޮޒިޓިވްވި 88 މީހުންގެ ތެރޭގައި ހިމެނެނީ މާލެ ސަރަހައްދުން 37 މީހުންނާއި، އަތޮޅު ތެރެއިން 31 މީހުންގެ އިތުރުން، ރިސޯޓްތަކުން ޕޮޒިޓިވްވި 20 މީހުންނެވެ.
ވޭތުވެދިޔަ 24 ގަޑިއިރު ތެރޭ ރާއްޖޭގައި ޖުމްލަ 2664 މީހުންގެ ސާމްޕަލް ކޮވިޑަށް ޓެސްޓް ކޮށްފައިވެއެވެ.
މިވަގުތު ރާއްޖޭގައި ޖުމްލަ 3،019 މީހުން ކޮވިޑަށް ފަރުވާ ހޯދަމުންދާއިރު، އޭގެތެރެއިން 78 މީހުންނަށް ފަރުވާދެމުން ގެންދަނީ ހޮސްޕިޓަލުގައި އެޑްމިޓް ކޮށްގެންނެވެ.
މިހާތަނަށް ކޮވިޑަށް ޕޮޒިޓިވްވި މީހުންގެ ތެރެއިން 22،429 މީހުން ވަނީ ބަލިން ރަގަޅުވެފައެވެ. އަދި ބަލި ޖެހުނު މީހުންގެ ތެރެއިން 67 މީހުން ވަނީ ނިޔާވެފައެވެ.
ކޮވިޑް-19ގެ ތިން ވަނަ ރާޅަށްފަހު ރާއްޖޭގެ ކޮވިޑް ކޭސްތައް އާންމުކޮށް ހުރީ މަތީގައެވެ. އެހެންނަމަވެސް މިއަދު ޕޮޒިޓިވްވީ މީހުންނަށް ބަލާއިރު، އަލަށް ޕޮޒިޓިވްވާ ކޭސްތަކުގެ އަދަދު ކުރިއަށްވުރެ ދަށްވެފައިވާކަން ފާހަގަ ކުރެވެއެވެ.
