ކުޅުދުއްފުށީ ހައުސިން ޔުނިޓް ނިންމަން ބަޔަކާ ހަވާލުކޮށްފި
6 އެޕްރީލު 2021 | އަންގާރަ 09:53މަޝްރޫއު ނިންމަން ޖެހެނީ 240 ދުވަހުގެ ތެރޭގައި
ކުޅުދުއްފުށީ ހައުސިން ޔުނިޓް ނިންމަން ހަވާލުކުރުމުގެ އެއްބަސްވުމުގައި ސޮއިކުރުމުގެ ރަސްމިއްޔާތު
ހދ. ކުޅުދުއްފުށީ ހައުސިން ޔުނިޓްތައް ނިންމުމަށް ބަޔަކާ ހަވާލުކޮށްފިއެވެ.
ކުޅުދުއްފުށީގައި އިމާރާތްކޮށްފައިވާ 105 ހައުސިން ޔުނިޓުގެ މަސައްކަތް ނިންމުމަށް ހަވާލުކޮށްފައިވަނީ ދޮންބެޒް ޕްރައިވެޓް ލިމިޓެޑާއެވެ.
ޖުމްލަ ސާޅީސް ހަތް ލައްކަ ރުފިޔާ ދައުލަތުގެ 2021 ވަނަ އަހަރުގެ ޕީއެސްއައިޕީ ބަޖެޓުން ޚަރަދުކުރާ މި މަޝްރޫއު ނިންމަން ޖެހެނީ 240 ދުވަހުގެ ތެރޭގައެވެ.
2011 ވަނަ އަހަރު އަމަލީ މަސައްކަތް ފެށި މި މަޝްރޫއުވަނީ 2014 ވަނަ އަހަރު ހުއްޓިފައެވެ.
ކޮންޓްރެކްޓްގައި މިނިސްޓްރީ އޮފް ނޭޝަނަލް ޕްލޭނިން އެންޑް އިންފްރާސްޓްރަކްޗަރގެ ފަރާތުން ސޮއި ކުރެއްވީ ހައުސިން ޑިޕާރޓްމަންޓްގެ ޑިރެކްޓަރ ޖެނެރަލް އަހުމަދު ވިޝާން ނަސީމެވެ. ދޮންބެޒް ޕްރައިވެޓް ލިމިޓެޑުން ސޮއި ކުރެއްވީ އެކުންފުނީގެ ހެޑް އޮފް އޮޕަރޭޝަން އަލީ ހަމްދޫނެވެ.
މަސައްކަތް ހުއްޓިފައިހުރި ރަށްރަށުގެ ހައުސިން މަޝްރޫއުތައް އަލުން ފަށުމަށް އަންނަނީ މަސައްކަތްކުރަމުންނެވެ.
