ރާއްޖޭގެ އުތުރުގެ 5 ރަށެއްގެ ފެނާއި ނަރުދަމާ ނިޒާމު ޤާއިމުކުރުމުގެ ޢަމަލީ މަސައްކަތް ރަސްމީކޮށް އިފްތިތާހް ކޮށްފި

ރާއްޖޭގެ އުތުރުގެ 5 ރަށެއްގެ ފެނާއި ނަރުދަމާ ނިޒާމު ޤާއިމުކުރުމުގެ ބިންގާ އަޅައިފިއެވެ.

މި މަޝްރޫޢުތަކަކީ، މާލެ ވޯޓަރ އެންޑް ސްވަރެޖް ކޮމްޕެނީ އެމްޑަބްލިއުއެސްސީ އާއި ރާއްޖޭގެ 20 ރަށެއްގެ ފެނާއި ނަރުދަމާ ނިޒާމު ތަރައްޤީކުރުމަށް ހަވާލުކުރި މަސައްކަތުގެ ތެރެއިން ކުރިއަށްދާ މަސައްކަތެކެވެ. މި 20 ރަށުގެ ތެރެއިން އެންމެ ފުރަތަމަ އިފްތިތާޙްކޮށްފައިވަނީ، ހދ. ކުމުންދޫގައި ފެނާއި ނަރުދަމާ ނިޒާމް ޤާއިމްކުރުމުގެ މަސައްކަތެވެ. މިމަޝްރޫޢުގެ މަސައްކަތް ރަސްމީކޮށް އިފްތިތާހްކޮށްދެއްވީ މިކަމަށްޓަކައި ކުމުންދޫގައި ބޭއްވި ރަސްމިއްޔާތެއްގައި މަކުނުދޫ ދާއިރާގެ މެމްބަރު މުހައްމަދު ރާއީ އާއި، އެމްޑަބްލިއުއެސްސީގެ މެނޭޖިންގ ޑިރެކްޓަރ ހަސަން ޝާހް އާއި، ކުމުންދޫ ކައުންސިލްގެ ރައީސް އަމީން މުހައްމަދުއެވެ. ހދ ކުމުންދޫގެ ފެނާއި ނަރުދަމާގެ އަމަލީ މަސައްކަތް މިދިޔަ ޖެނުއަރީމަހުގެ ތެރޭގައިވަނީ ފަށާފައެވެ.

މިނިސްޓްރީ އޮފް ނޭޝަނަލް ޕްލޭނިންގ، ހައުސިންގ އެންޑް އިންފްރާސްޓްރަކްޗަރއިން ސަރވޭކޮށް ޑިޒައިންކޮށް އީއައިއޭ ހަދާ އަދި ހުއްދަތައް ނެގުމަށްފަހު އެމްޑަބްލިއުއެސްސީއާ މިމަޝްރޫއުގެ މަސައްކަތް ހަވާލުކޮށްފައިވަނީ މިދިޔަ ނޮވެމްބަރުމަހު މަހުގެ ތެރޭގައެވެ. އެމްޑަބްލިޔު އެސްސީއާ މިމަސައްކަތް ހަވާލުކޮށްފައިވަނީ 18 މަސްދުވަހުން ނިންމާގޮތަށެވެ. ކުމުންދޫގެ ފެނާއި ނަރުދަމާގެ ނިޒާމަކީ ދިވެހި ސަރުކާރުން އެމްޑަބްލިއުއެސްސީއާ ހަވާލުކޮށްގެން ކުރިއަށްދާ އެންމެ އަގުބޮޑު ޕްރޮޖެކްޓެވެ. މިމަޝްރޫޢަކީ ގާތްގަޑަކަށް 103 މިލިއަން ރުފިޔާގެ މަޝްރޫއެކެވެ. 

މީގެ އިތުރުން ހއ އަތޮޅުގެ 4 ރަށެއްގެ ފެނާއި ނަރުދަމާ މަޝްރޫޢުގެ އަމަލީ މަސައްކަތްވެސް މިހާރު ވަނީ ފަށާފައެވެ. އެގޮތުން އޭޕްރީލް 3 ވަނަ ދުވަހު ހއ. ތަކަންދޫ ފެނާއި ނަރުދަމާ ނިޒާމް ޤާއިމްކުރުމުގެ މަސައްކަތް ރަސްމީކޮށް ވަނީ އިފްތިތާޙުކޮށްފައެވެ. މިމަޝްރޫޢުގެ މަސައްކަތް ރަސްމީކޮށް އިފްތިތާހްކޮށްދެއްވީ މިކަމަށްޓަކައި ތަކަންދޫގައި ބޭއްވި ރަސްމިއްޔާތެއްގައި ބާރަށު ދާއިރާގެ މެމްބަރު އަހުމަދު އަބްދުﷲ އާއި، އެމްޑަބްލިއުއެސްސީގެ މެނޭޖިންގ ޑިރެކްޓަރ ހަސަން ޝާހެވެ. މިނިސްޓްރީ އޮފް ނޭޝަނަލް ޕްލޭނިންގ، ހައުސިންގ އެންޑް އިންފްރާސްޓްރަކްޗަރއިން ސަރވޭކޮށް ޑިޒައިންކޮށް އީއައިއޭ ހަދާ އަދި ހުއްދަތައް ނެގުމަށްފަހު އެމްޑަބްލިއުއެސްސީއާ މިމަޝްރޫއުގެ މަސައްކަތް ހަވާލުކޮށްފައިވަނީ 14 ޑިސެމްބަރު 2020ގައެވެ. އެމްޑަބްލިއުއެސްސީއާ މިމަސައްކަތް ހަވާލުކޮށްފައިވަނީ 7 ޖޫން 2022ގައި ނިންމާގޮތަށެވެ.

ހއ. މާރަންދޫ ފެނާއި ނަރުދަމާ ނިޒާމް ޤާއިމްކުރުމުގެ މަސައްކަތްވެސް ރަސްމީކޮށް ވަނީ އިފްތިތާޙުކޮށްފައެވެ. މިމަޝްރޫޢުގެ މަސައްކަތް ރަސްމީކޮށް އިފްތިތާހްކޮށްދެއްވީ މިކަމަށްޓަކައި މާރަންދޫގައި ބޭއްވި ރަސްމިއްޔާތެއްގައި އިހަވަންދޫ ދާއިރާގެ މެމްބަރު މުހައްމަދު ޝިފާއު އާއި، އެމްޑަބްލިއުއެސްސީގެ މެނޭޖިންގ ޑިރެކްޓަރ ހަސަން ޝާހެވެ. މިނިސްޓްރީ އޮފް ނޭޝަނަލް ޕްލޭނިންގ، ހައުސިންގ އެންޑް އިންފްރާސްޓްރަކްޗަރއިން ސަރވޭކޮށް ޑިޒައިންކޮށް އީއައިއޭ ހަދާ އަދި ހުއްދަތައް ނެގުމަށްފަހު އެމްޑަބްލިއުއެސްސީއާ މިމަޝްރޫއުގެ މަސައްކަތް ހަވާލުކޮށްފައިވަނީ 14 ޑިސެމްބަރު 2020ގައެވެ. އެމްޑަބްލިއުއެސްސީއާ މިމަސައްކަތް ހަވާލުކޮށްފައިވަނީ 7 ޖޫން 2022ގައި ނިންމާގޮތަށެވެ.

ހއ. ވަށަވަފަރުގެ ފެނާއި ނަރުދަމާ ނިޒާމް ޤާއިމްކުރުމުގެ މަސައްކަތް ރަސްމީކޮށް އިފްތިތާހްކޮށްދެއްވީ މިކަމަށްޓަކައި ވަށަފަރުގައި ބޭއްވި ރަސްމިއްޔާތެއްގައި ކެލާ ދާއިރާގެ މެމްބަރު އިބްރާހިމް ޝަރީފާއި، އެމްޑަބްލިއުއެސްސީގެ މެނޭޖިންގ ޑިރެކްޓަރ ހަސަން ޝާހެވެ. މިނިސްޓްރީ އޮފް ނޭޝަނަލް ޕްލޭނިންގ، ހައުސިންގ އެންޑް އިންފްރާސްޓްރަކްޗަރއިން ސަރވޭކޮށް ޑިޒައިންކޮށް އީއައިއޭ ހަދާ އަދި ހުއްދަތައް ނެގުމަށްފަހު އެމްޑަބްލިއުއެސްސީއާ މިމަޝްރޫއުގެ މަސައްކަތް ހަވާލުކޮށްފައިވަނީ 14 ޑިސެމްބަރު 2020ގައެވެ. އެމްޑަބްލިއުއެސްސީއާ މިމަސައްކަތް ހަވާލުކޮށްފައިވަނީ 7 ޖޫން 2022ގައި ނިންމާގޮތަށެވެ.

ހއ. މުރައިދޫގެ ފެނާއި ނަރުދަމާ ނިޒާމް ޤާއިމްކުރުމުގެ މަސައްކަތްވެސް ރަސްމީކޮށް ވަނީ އިފްތިތާޙުކޮށްފައެވެ. މިމަޝްރޫޢުގެ މަސައްކަތް ރަސްމީކޮށް އިފްތިތާހްކޮށްދެއްވީ މިކަމަށްޓަކައި މުރައިދޫގައި ބޭއްވި ރަސްމިއްޔާތެއްގައި ބާރަށު ދާއިރާގެ މެމްބަރު އަހުމަދު އަބްދުﷲއާއި، އެމްޑަބްލިއުއެސްސީގެ މެނޭޖިންގ ޑިރެކްޓަރ ހަސަން ޝާހެވެ. މިނިސްޓްރީ އޮފް ނޭޝަނަލް ޕްލޭނިންގ، ހައުސިންގ އެންޑް އިންފްރާސްޓްރަކްޗަރއިން ސަރވޭކޮށް ޑިޒައިންކޮށް އީއައިއޭ ހަދާ އަދި ހުއްދަތައް ނެގުމަށްފަހު އެމްޑަބްލިއުއެސްސީއާ މިމަޝްރޫއުގެ މަސައްކަތް ހަވާލުކޮށްފައިވަނީ 14 ޑިސެމްބަރު 2020ގައެވެ. އެމްޑަބްލިއުއެސްސީއާ މިމަސައްކަތް ހަވާލުކޮށްފައިވަނީ 9 މާރްޗް 2022ގައި ނިންމާގޮތަށެވެ.