ފެނުގެ ނިޒާމުން ނަގަމުން އަންނަ 30 ރުފިޔާގެ ފީ ނުނަގާ ގޮތަށް ފެނަކައިން ހަމަޖައްސައިފިއެވެ.

އައްޑޫ ސިޓީ ތިން އަވަށެއްގެ ގޮނޑުދޮށް ހިމާޔަތް ކުރުމުގެ މަސައްކަތް ނިންމާ ކައުންސިލާ ހަވާލު ކުރުމަށް ބޭއްވި ރަސްމިއްޔާތުގައި ވާހަކަ ދައްކަވަމުން ފެނަކަ ކޯޕަރޭޝަންގެ މެނޭޖިން ޑިރެކްޓަރު އަހުމަދު ސައީދު މުހައްމަދު ވިދާޅުވީ، ފެނަކައިން ފެނުގެ ޚިދުމަތްދޭ ހުރިހާ ރަށެއްގެ މީޓަރުން ނަގަމުން އަންނަ 30 ރުފިޔާ ނުނަގާ ގޮތަށް ހަމަޖައްސާފައިވާ ކަމަށެވެ.

މިކަމަކީ 2019 ވަނަ އަހަރުން ފެށިގެން މަޝްވަރާ ކުރަމުން އަންނަ ކަމެއް ކަމަށާއ، މިއީ ރައީސްގެ ނިންމެވުމެއް ކަމަށް ސައީދު ވިދާޅުވިއެެވެ.

ސައީދު ވިދާޅުވީ، އައްޑޫ ސިޓީގެ ރައްޔިތުންނަށް ކަރަންޓުގެ ޚިދުމަތް މެދުނުކެނޑި ލިބޭނެ ގޮތް ހެދުމަށް ކުރަަމުން އަންނަ މަސައްކަތުގެ ތެރެއިން މި ހަފްތާ ތެރޭގައި އެ ސިޓީއަށް އިތުރު ޖެން ސެޓެއް ގެންދެވޭނެ ކަމަށެވެ. އަދި ދެމެހެއްޓެނިވި ގޮތެއްގައި ކަރަންޓު ފޯރުކޯށްދިނުމަށް ފެނަކައިން މަސައްކަތްކުރަމުން އަންނަ ކަމަށް ވިދާޅުވިއެވެ.

މީގެ އިތުރުން ފުވައްމުލައް ސިޓީގެ އިންޖީނުގެ ބަދަލުކުރުމަށްޓަކައި ކޮންޓްރެކްޓަރަކާ ހަވާލު ކުރުމެގެ މަރުހަލާ އަންނަ ހަފްތާގައި ފުރިހަމަވެގެންދާނެކަމަށް ވިދާޅުވިއެވެ.

އައްޑޫ ސިޓީގެ ގުޅިފައިވާ ރަށްތަކުގައި ފެނުގެ ޚިދުމަތްދެމުން އަންނަނީ ފެނަކަ ކޯޕަރޭޝަނުންނެވ.