ކ. މާލެ
|
1 އޭޕްރިލް 2021 | ބުރާސްފަތި 23:28
ޔުވެންޓަސްއަށް ކުޅެމުން އަންނަ އިޓަލީގެ ޑިފެންޑަރު ލިއޮނާޑޯ ބޮނޫޗީ
ޔުވެންޓަސްއަށް ކުޅެމުން އަންނަ އިޓަލީގެ ޑިފެންޑަރު ލިއޮނާޑޯ ބޮނޫޗީ
ގެޓީ އިމޭޖަސް
ބޮނޫޗީ ކޮވިޑަށް ޕޮޒިޓިވްވުން
ޔުވެންޓަސްގެ ޑިފެންޑަރު ބޮނޫޗީ ކޮވިޑަށް ޕޮޒިޓިވް
 
ބޮނޫޗީ ޕޮޒިޓިވްވީ އަނބުރާ އިޓާލިއަން ގޮސް ޓެސްޓުކުރުމުން
 
ބޮނޫޗީ މިހާރު ވަނީ އަމިއްލަ ގޭގައި އައިސޮލޭޓްވެފައި

ޔުވެންޓަސްއަށް ކުޅެމުން އަންނަ އިޓަލީގެ ޑިފެންޑަރު ލިއޮނާޑޯ ބޮނޫޗީ ކޮވިޑް-19 އަށް ޕޮޒިޓިވްވެއްޖެއެވެ.

ބޮނޫޗީ ކޮވިޑަށް ޕޮޒިޓިވްވެފައިވާކަން އެނގުނީ ފީފާ ވޯލްޑް ކަޕުގެ ޔޫރަޕް ކޮލިފައިންގައި ބުދަ ދުވަހުގެރޭ ލިތުއޭނިއާ އަތުން 2-0 ގެ ނަތީޖާއަކުން އިޓަލީ މޮޅުވި މެޗަށްފަހު، އަނބުރާ އިޓަލީއަށް އައިސް ޓެސްޓުކުރުމުންނެވެ. ލިތުއޭނިއާގައި ކުޅުނު މެޗުގައި ބޮނޫޗީ އިނީ ބެންޗުގައެވެ. އެކަމަކު އޭގެ ކުރިން ކޮލިފައިންގައި ނޯދަން އަޔަލެންޑާއި ބަލްގޭރިއާއާ ދެކޮޅަށް އިޓަލީން ކުޅުނު މެޗުތަކުގައި ބޮނޫޗީ ވަނީ ކުޅެފައެވެ.

އުމުރުން 33 އަހަރުގެ ޑިފެންޑަރު ބުރާސްފަތި ދުވަހު އަނބުރާ އިޓަލީއަށް ދިޔައިރު، ކޮވިޑަށް ޕޮޒިޓިވްވުމާއެކު އޭނާ މިހާރު ވަނީ އަމިއްލަ ގޭގައި އައިސޮލޭޓްވެފައެވެ.

އެއާއެކު ބޮނޫޗީއަށް ޔުވެންޓަސްއިން ކުޅޭ ބައެއް މުހިންމު މެޗުތައް ގެއްލޭއިރު، މި ސީޒަނުގައި މިހާތަނަށް އޭނާ ވަނީ އިޓާލިއަން ލީގުގައި ޔުވެންޓަސްއިން ކުޅުނު 27 މެޗުގެ ތެރެއިން 21 މެޗުގައި ކުޅެފައެވެ. އިޓާލިއަން ލީގުގެ ތިންވަނައިގައި އެންމެ ފަހުގެ ޗެމްޕިއަން ޔުވެންޓަސް އޮތްއިރު، ލީގުގައި އަންނަ ހޮނިހިރު ދުވަހުގެރޭ ޓޮރީނޯއާ ދެކޮޅަށް ޔުވެންޓަސް ނުކުންނާނެއެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: ހުސައިން ފަރިޔާޒް
0%
0%
0%
0%
0%
0%
ކޮމެންޓް