މާލޭގައި މާރާމާރީއެއް ހިންގާފައި ފިލި ބަޔަކު ފުލުހުން ހޯދަނީ
އެ މާރާމާރީގައި އެއްވެސް މީހަކަށް އަނިޔާވި ކަމެއް އަދި އެނގިފައެއް ނުވޭ
ފުލުހުންގެ ކާރެއް މާލެތެރެ ޕެޓްރޯލް ކުރަނީ
މާފަންނު ބީޖީ ސަރަހައްދުގައި މާރާމާރީއެއް ހިންގާފައި އެތަނުން ފިލި ބަޔަކު ފުލުހުން ހޯދަން ފަށައިފިއެވެ.
އަންގާރަ ދުވަހުގެ ރޭ އަށެއް ޖަހާކަން ހާއިރު މާފަންނު ބީޖީ ސަރަހައްދުގައި ހިންގި މާރާމާރީއެއްގެ ވީޑިއޯ ސޯޝަލް މީޑިއާގައި އާންމުވެފައިވާއިރު، އެ ވީޑިއޯއިން ފެންނަ ގޮތުގައި ދަގަނޑު ބުރިއާއި ދަނގަޑު ހޮޅި ފަދަ އެއްޗެހި ބޭނުންކޮށްގެން ތަޅާ އަނިޔާކުރެއެވެ. އެކަމަކު ތޫނު ހަތިޔާރު ބޭނުންކުރާ މަންޒަރެއް އެ ވީޑިއޯއިން ނުފެނެއެވެ.
އެ ހާދިސާއާ ގުޅިގެން ފުލުހުން ބުނީ މުރަނގަމަގުގައި މާރާމާރީއެއް ހިންގައިގެން އުޅޭ ކަމުގެ މައުލޫމާތު އަންގާރަ ދުވަހުގެ ރޭ 20:13 ހާއިރު ލިބިފައިވާ ކަމަށެވެ. އެކަމަކު އެތަނަށް ދިޔަ އިރު އެމީހުން އެ ސަރަހައްދު ދޫކޮށްފައި ގޮސްފި ކަމަށާއި އެ މީހުން ހޯދުމުގެ މަސައްކަތާއި އަދި އެ މާރާމާރީއާ ގުޅިގެން ބަލަން ޖެހޭ ކަންކަން ބަލަމުން އަންނަ ކަމަށް ވެސް ފުލުހުން ބުނެފައިވެއެވެ.
އެ މާރާމާރީގައި އެއްވެސް މީހަކަށް އަނިޔާވި ކަމެއް އަދި އެނގިފައެއް ނުވެއެވެ.
