ދިވެހިރާއްޖޭގެ ޖުމްހޫރިއްޔާގެ ގާނޫނު އަސާސީގެ 93 ވަނަ މާއްދާގެ (ހ) ގެ ދަށުން، "ޓްރީޓީ އޮފް އެމިޓީ އެންޑް ކޯޕަރޭޝަން އިން ސައުތް އީސްޓް އޭޝިއާ" ދިވެހިރާއްޖެއިން ތަސްދީގުކުރުމާމެދު ރައްޔިތުންގެ މަޖިލީހުގެ ރުހުން ހޯއްދެވުމަށް ރައީސުލްޖުމްހޫރިއްޔާ ފޮނުއްވާފައިވާ މައްސަލަ ދިރާސާ ކުރުމަށް ޚާރިޖީ ގުޅުންތަކުގެ ކޮމިޓީއަށް ފޮނުވައިފިިއެވެ.

އަންގާރަ ދުވަހުގެ ރައްޔިތުންގެ މަޖިލީހުގެ ޖަލްސާގައި މި ސިޓީ މަޖިލީހަށް އިއްވާފައިވަނީ މަޖިލީހުގެ އަމީންއާއްމެވެ. މިސިޓީގައި ބަޔާން ކޮށްފައިވަނީ ސައުތު އީސްޓް އޭޝިޔާގެ ގައުމުތަކުގެ މެދުގައި އޮންނަ ގުޅުން އިތުރަށް ހަރުދަނާކޮށް، އެ ސަރަހައްދުގައި ސުލްހަ މަސަލަސްކަން ގާއިމުކުރުމުގެ މަގްސަދުގައި އެކުލަވާލާފައިވާ "ޓްރީޓީ އޮފް އެމިޓީ އެންޑް ކޯޕަރޭޝަން އިން ސައުތު އީސްޓް އޭޝިޔާ" ދިވެހިރާއްޖެއިން ތަސްދީގުކުރުމާ ގުޅޭގޮތުން، 2021 ވަނަ އަހަރުގެ ފެބްރުއަރީ 2 ވަނަ ދުވަހު ބޭއްވުނު ވަޒީރުންގެ މަޖިލީހުގެ ޖަލްސާގައި މަޝްވަރާ ކުރެއްވުމަށްފަހު، މި ޓްރީޓީ ދިވެހިރާއްޖެއިން ތަސްދީގުކުރަން ފެނިވަޑައިގަންނަވާ ކަމަށް ނިންމަވައިފައިވާ ކަމަށެވެ.

އަދި މި ޓްރީޓީ ދިވެހިރާއްޖެއިން ތަސްދީގު ކުރުމާމެދު ރައްޔިތުންގެ މަޖިލީހުން ނިންމަވާ ގޮތެއް އަންގަަވައިދެއްވުމަށް ވެސް ރައީސްގެ ސިޓީގައި އެދިވަޑައިގެންފައިވެއެވެ.