ހަ ރަށެއްގެ ސްކޫލުގައި ކްލާސްރޫމުގެ މަސައްކަތާއި މަލްޓި ޕަރޕަސް ހޯލްގެ މަސައްކަތް ކޮށްދޭނެ ފަރާތެއް ހޯދަނީ!
ފައިސާ ބަލައިގަންނާނީ މިމަހުގެ 22ން 12 އެޕްރީލްއަށް ބަނޑޭރި ޕޭ މެދުވެރިކޮށް
ނިއު ނޯރމަލްގެ ދަށުން ސްކޫލެއްގެ ދަރިވަރުންނަށް ކިޔަވައިދެނީ
ހަ ރަށެއްގެ ސްކޫލުގައި ކްލާސްރޫމުގެ މަސައްކަތާއި މަލްޓިޕާރޕަސް ހޯލްގެ މަސައްކަތް ކޮށްދޭނެ ފަރާތެއް ހޯދަން އިއުލާން ކޮށްފިއެވެ.
ފިނޭންސް މިނިސްޓްރީން ބުނީ އެޑިޔުކޭޝަން މިނިސްޓްރީގެ އެދުމުގެ މަތިން ހަރަށެއްގެ ސްކޫލުގައި ކްލާސްރޫމުގެ މަސައްކަތާއި މަލްޓީޕާރޕަސް ހޯލްގެ މަސައްކަތްތައް ކޮށްދޭނެ ފަރާތެއް ހޯދަން ބޭނުންވާ ކަމަށެވެ.
އެގޮތުން މިހާރު ވަނީ މިސައްކަތްތަކަށް ބީލަން ހުށަހެޅުމުގެ ފުރުސަތު ދިވެހި ފަރާތްތަކަށް ހުޅުވާލާފައިވާ ކަމަށެވެ.
އެއީ އއ. މާޅޮހު ސްކޫލްގެ 4 ކްލާސްރޫމް އަދި މަލްޓި ޕަރޕަސް ހޯލް އިމާރާތް، ގއ. ކަނޑުހުޅުދޫ ސްކޫލްގެ މަލްޓި ޕަރޕަސް ހޯލް، އައްޑޫ ހައި ސްކޫލްގެ 12 ކްލާސްރޫމް އިމާރާތް، ނ. މިލަދޫގެ ހިދާޔާ ސްކޫލް 8 ކްލާސްރޫމް އަދި މަލްޓި ޕަރޕަސް ހޯލް އިމާރާތް، ހއ. އަތޮޅު ތައުލީމީ މަރުކަޒުގެ އޮފީސް އަދި 12 ކްލާސްރޫމް އިމާރާތް އަދި ށ. ނަރުދޫ ސްކޫލްގެ 3 ބުރި އިމާރާތުގެ މަސައްކަތެވެ.
ފިނޭންސް މިނިސްޓްރީން ބުނީ މި ބީލަންތަކުގައި ބައިވެރިވެވޭނީ މިނިސްޓްރީ އޮފް ނޭޝަނަލް ޕްލޭނިންގ ،ހައުސިންގ އެންޑް އިންފްރާސްޓްރަކްޗަރގެ "އިމާރާތްކުރުމުގެ އަމަލީ މަސައްކަތްކުރާފަރާތްތަކުގެ ގަވާއިދު" ގައިވާ ގޮތުގެމަތީން ރަޖިސްޓަރީވެފައިވާ ފަރާތްތަކަށް ކަމަށެވެ. އަދި މި މަސައްކަތްތަކަށް ޝަރުތުހަމަވާ ފަރާތެއް ހޯދުމުގެ ކަންތައް ކުރިޔަށް ގެންދެވޭނީ ނޭޝަނަލް ކޮމްޕެޓިޓިވް ބިޑިންގ (އެން.ސީ.ބީ) އުސޫލުގެ މަތިން ކަމަށެވެ.
ފިނޭންސް މިނިސްޓްރީން ބުނީ ކޮންމެ ބީލަމެއްގައި ބައިވެރިވުމަށް ފަސްސަތޭކަ ރުފިޔާގެ ނޮން-ރިފަންޑަބަލް ރަޖިސްޓްރޭޝަން ފީއެއް ދައްކަން ޖެހޭނެ ކަމަށެވެ. ފައިސާ ބަލައިގަންނާނީ މިމަހުގެ 22ން 12 އެޕްރީލްއަށް މިނިސްޓްރީގެ އޮންލައިން ޕޭމަންޓް ޕޯޓަލް - ބަނޑޭރި ޕޭ މެދުވެރި ކޮށެވެ.
މީގެ އިތުރުން މިނިސްޓްރީން ބުނީ މި މަސައްކަތްތާ ބެހޭ އެންމެހައި ލިޔެކިޔުންތައް ސޮފްޓްކޮޕީ ފޯރމެޓުގައި އެ މިނިސްޓްރީގެ ވެބްސައިޓުން މިމަހުގެ 23ން ފެށިގެން ޑައުންލޯޑް ކުރެވޭނެ ކަމަށެވެ. އަދި މި ބީލަމާ ގުޅިގެން ދޫކުރެވޭ އެންމެފަހުގެ މައުލޫމާތުތައް ވެބްސައިޓް މެދުވެރިކޮށް ހޯދުމަކީ ބީލަމަށް ކުރިމަތިލާ ފަރާތުގެ ޒިންމާއެއް ކަމަށް އެ މިނިސްޓްރީން ބުނެއެވެ.
ބީލަން ހުޅުވުން އޮންނާނީ 13 އެޕްރީލްވާ އަންގާރަ ދުވަހުގެ 10:00 ގައި އެ މިނިސްޓްރީގެ ނެޝަނަލް ޓެންޑަރގެ ޖަލްސާކުރާ މާލަމުގައި ކަމަށް ފިނޭންސް މިނިސްޓްރީން ބުނެއެވެ.
ސްކޫލުތައް އެއްދަންފަޅިއަށް ބަދަލު ކުރުމަކީ މިސަރުކާރުގެ ސިޔާސަތެކެވެ. އެގޮތުން ސްކޫލުތަކަށް ދިމާވެފައިވާ ޖާގައިގެ ދަތިކަން ހައްލުކުރުމަށް ދަނީ ގިނަ މަސައްކަތްތަކެއް ކުރަމުންނެވެ.
