ރާއްޖޭގެ 55 ރަށެއްގައި މިވަގުތު ގެސްޓްހައުސް ހުޅުވުމުގެ ހުއްދަ ދީފައިވޭ
ގެސްޓްހައުސް ހުޅުވުމުގެ ހުއްދަ ނުދީ ވަނީ 26 ރަށެއްގައި
ގެސްޓް ހައުސްއެއް
ރާއްޖޭގެ 55 ރަށެއްގައި މިވަގުތު ގެސްޓްހައުސް ހުޅުވުމުގެ ހުއްދަ ދީފައިވާ ކަމަށް ޓޫރިޒަމް މިނިސްޓްރީން ބުނެފިއެވެ.
ޓޫރިޒަމް މިނިސްޓްރީން އާންމުކޮށްފައިވާ ތަފާސް ހިސާބުތަކަށް ބަލާއިރު މިވަގުތު ގެސްޓްހައުސް ހުޅުވުމުގެ ހުއްދަ ނުދީ ވަނީ 26 ރަށެއްގައެވެ.
ރާއްޖޭގައި މުޅި ޖުމްލަ 585 ގެސްޓްހައުސްއެއް އަންނަނީ ހިންގަމުންނެވެ. މީގެތެރެއިން މިހާތަނަށް 375 ގެސްޓްހައުސް ހުޅުވާފައިވާކަމަށް ޓޫރިޒަމް މިނިސްޓްރީން ބުންޏެވެ.
ކޮވިޑް-19 ގެ ސަބަބުން ރާއްޖޭގެ ފަތުރުވެރިކަން ހުއްޓުމަކަށް އައިސްފައި އޮތުމަށްފަހު އަލުން ހިނގައިގަތްއިރު އެންމެ ފުރަތަމަ އޮޕަރޭޓްކުރަން ފެށީ ރިސޯޓުތަކާއި ސަފާރީތަކެވެ. އަތޮޅުތެރޭގެ ރަށްތަކުގެ ގެސްޓްހައުސްތައް ހުޅުވުމުގެ ފުރުސަތު އޮކްޓޫބަރު މަހުގެ 15 ވަނަ ދުވަހު ދީފައިވާއިރު، މާލެ ސަރަހައްދުގެ ގެސްޓްހައުސްތައް ހުޅުވާފައިވަނީ ޑިސެމްބަރު މަހުގެ 14 ވަނަ ދުވަހުއެވެ.
