އައްޑޫ ސިޓީގެ ދެ އަވަަށެއްގައި ތޫނު އެއްޗެހިން ހަމަލާދީ މާރާމާރިތަކެއް ހިންގައި ދެމީހަކަށް އަނިޔާވެފައިވާ ކަމަށް ފުލުހުން ބުނެފިއެވެ.
ފުލުހުން މައުލޫމާތުދޭ ގޮތުގައި މާރާމާރި ހިންގާފައި ވަނީ އައްޑޫ ސިޓީ ހިތަދޫ އަދި ފޭދޫގައެވެ.
އެގޮތުން ހިތަދޫގައި ހިންގި މާރާމާރީގައި ތޫނުއެއްޗަކުން ހަމަލާދީ އެކަކު ޒަހަމްކޮށްލާފައިވާ ކަމަށް ފުލުހުން ބުނެއެވެ. މި މިއްސަލަ ފުލުހުންނަށް ހުށައަޅާފައި ވަނީ އާދިއްތަ ދުވަހުގެރޭ 11:30ގައި އެވެ. އަދި ފޭދޭގައި ހިންގި މާރާމާރިއެއްގައި ތޫނުއެއްޗަކުން މީހަކަށް ހަމަލާދީ ޒަހަމްކޮށްލާފައިވާ ކަމުގެ މައުލޫމާތު ފުލުހުންނަށް ލިބިފައި ވަނީ އާދިއްތަ ދުވަހުގެރޭ 11:45 ގައި ކަމަށް އެއިދާރާއިން ބުނެއެވެ.
ފުލުހުން ބުނީ މި ދެމީހުންނަށް އައްޑޫ އިކުއިޓޯރިއަލް ހޮސްޕިޓަލްގައި ފަރުވާދެމުންދާ ކަމަށެވެ. އަދި މިމައްސަލަތައް އިތުރަށް ތަހުގީގުރަމުން ދާ ކަމަށް ފުލުހުން ބުނެއެވެ.
