މޯލްޑިވްސް އޯޓިޒަމް އެސޯސިއޭޝަންގެ 9 އަަހަރުގެ ދަރިވަރަކު ހާފިޒް ކަމުގެ ސަނަދު ހާސިލްކޮށްފި
14 މާރިޗު 2021 | އާދީއްތަ 09:01އަޝްހަމް ފާސްވެފައިވަނީ އެވަނަ ދަރަޖައިގައި
އަޝްހަމްގެ ހާފިޒްކަމުގެ ސަނަދު
މޯލްޑިވްސް އޯޓިޒަމް އެސޯސިއޭޝަންގެ ދަރިވަރު، މުހައްމަދު އަޝްހަމް 9، މއ. އަރިވަރު، ކީރިތި ގުރުއާން ހިތުދަސްކޮށް، ހާފިޒްކަމުގެ އިމްތިހާނު ނިންމައި ގުރުއާން ހިފްޒު އިމްތިހާން ކުރާ ކޮމެޓީއަށް ކިޔައިދީ ސަނަދު ހާސިލްކުރީ ފެބުރުއަރީ މަހުގައެވެ. މި އިމްތިހާނުން އަޝްހަމް ފާސްވެފައިވަނީ އެވަނަ ދަރަޖައިގައެވެ.
އަޝްހަމް ވަނީ އޭނާގެ އުމުރުން 5 އަހަރުގައި ޤުރުއާން ހިތުދަސްކޮށް، ސްކޫލަށް ވަނީ ކިޔައިދީފައެވެ. ހާފިޒުކަމުގެ ސަނަދު ނެގުމުގެ މަސައްކަތް އަޝްހަމް ފެށީ އޭނާގެ އުމުރުން 5 އަހަރުގައި 2017 ވަަނަ އަހަރުއެވެ.
އެހާ ޅައުމުރުގައި ޤުރުއާން ހިތުދަސްކުރުމުން އެއިރު ސައުދީ އެމްބަސީންވަނީ އަޝްހަމްގެ ކިޔެވުމަށް 1000 ޑޮލަރުގެ އެހީއެއް ދިީފައެވެ. މިއާއެކު މޯލްޑިވްސް އޯޓިޒަމް އެސޯސިއޭޝަނުން ހިލޭ ކިޔެވުމުގެ ފުރުސަތު ވެސް ސައުދީ އެމްބަސީންވަނީ އަޝްހަމަށް ހަމަޖައްސައިދީފައެވެ.
އަޝްހަމަކީ އޯޓިޒަމް އަދި އެޓެންޝަން ޑެފިސިޓް ހައިޕާ އެކްޓިވިޓީ ޑިސްއޯޑަރ (އޭޑީއެޗްއޭޑީ) ހުންނަ ކުއްޖެކެވެ.
