ގައުމީ ސަލާމަތާ ޚާރިޖީ ގުޅުންތަކުގެ ކޮމިޓީގެ ނަން ޚާރިޖީ ގުޅުންތަކުގެ ކޮމިޓީއަށް ބަދަލު ކޮށްފި
އެގޮތަށް ބަދަލުގެނައުމަށް ކޮމިޓީން ނިންމި ނިންމުން ފާސްކުރުމަށް ވޯޓު ދެއްވާފައިވަނީ 54 މެމްބަރުން
ޢާންމު ކޮމިޓީހެ މުގައްރިރު ހަސަން ލަތީފް
ގައުމީ ސަލާމަތާ ޚާރިޖީ ގުޅުންތަކުގެ ކޮމިޓީގެ ނަން ޚާރިޖީ ގުޅުންތަކުގެ ކޮމިޓީއަށް ބަދަލު ކޮށްފިއެވެ.
މިގޮތަށް ބަދަލުކުރުމަށް ފާސްކޮށްފައި ވަނީ ރައްޔިތުންގެ މަޖިލީހުގެ ގަވާއިދުގެ 116 ވަނަ މާއްދާގައި ބަޔާންކޮށްފައިވާ ގައުމީ ސަލާމަތާއި ޚާރިޖީ ގުޅުންތަކުގެ ކޮމިޓީގެ މަސްއޫލިއްޔަތުގެ ދާއިރާގެ ސަބަބުން އެ ދެ ކޮމިޓީގެ މަސްއޫލިއްޔަތުތަކުގައި ފުށުއެރުމެއް ވާކަމަށް ފާހަގަކުރެވޭތީ މަޖިލީހުގެ ގަވާއިދު އިސްލާހުކޮށްދެއްވުމަށް އެދިވަޑައިގެން މަޖިލީހުގެ ރައީސް، ރައީސް މުހައްމަދު ނަޝީދު އާންމު ކޮމިޓީއަށް ފޮނުއްވި މައްސަލަ އެކޮމިޓީން ދިރާސާކޮށް ނިންމި ގޮތުގެ ރިޕޯޓަށް ފާސްކުރުމަށް ނެގުނު ވޯޓުންނެވެ.
އެގޮތަށް ބަދަލުގެނައުމަށް ކޮމިޓީން ނިންމި ނިންމުން ފާސްކުރުމަށް ވޯޓު ދެއްވާފައިވަނީ 54 މެމްބަރުންނެވެ.
ރައްޔިތުންގެ މަޖިލީހުގެ ގަވާއިދުގެ 107 ވަނަ މާއްދާއާއި 116 ވަނަ މާއްދާ އަދި 119 ވަނަ މާއްދާ އިޞްލާޙުކުރުމަށް ޢާންމު ކޮމިޓީން ދިރާސާކޮށް ނިންމިގޮތުގެ ރިޕޯޓުގައި ބުނީ ރައްޔިތުންގެ މަޖިލީހުގެ ގަވާއިދުގެ 107 ވަނަ މާއްދާއާއި 116 ވަނަ މާއްދާ އަދި 19 ވަނަ މާއްދާ އިޞްލާޙުކުރުމަށް 20 ޖޫން 2020 ވަނަ ދުވަހު ބޭއްވި ޢާންމު ކޮމިޓީގެ 2020 ވަނަ އަހަރުގެ 10 ވަނަ ބައްދަލުވުމަށް ހާޒިރުވެ ވޯޓުގައި ބައިވެރިވި މެންބަރުންގެ އިއްތިފާޤުން ފާސްކޮށްފައިވާ ކަމަށެވެ.
އެގޮތުން ކޮމިޓީން މަޖިލީހުގެ ގަވާއިދަށް ގެނެސްފައިވާ ބަދަލުތަކަކީ:
1. މަޖިލީހުގެ ގަވާއިދުގެ 116 (ހ) ޚާރިޖީ ގުޅުންތަކުގެ ކޮމިޓީގެ މަސްއޫލިއްޔަތަކީ، ޚާރިޖީ ގުޅުންތަކުގެ ކަންކަން ދިރާސާކުރުމާއި ޚާރިޖީ ގުޅުންތަކުގެ ސިޔާސަތުތަކަށް ގެންނަންޖެހޭ ބަދަލެއް އޮތްނަމަ، އެކަމެއް ފާހަގަކޮށް އެކަމެއް މަޖިލީހަށް ހުށަހެޅުމާއި، އަދި ޚާރިޖީ ގުޅުންތަކާ ގުޅޭގޮތުން މިނިސްޓްރީ އޮފް ފޮރިން އެފެއާޒް އަދި ޚާރިޖީ ދާއިރާއާގުޅޭ މަސައްކަތް ރާވައި ހިންގާ ކޮންމެ އިދާރާއަކާ ގުޅުންހުރި ކަންކަން ކުރުމަށް ބަދަލުކުރުން
2. ގަވާއިދުގެ 116 ވަނަ މާއްދާގެ (ކ)، ޤައުމަށް ދިމާވާ އެކިއެކި ކާރިސާތަކާ ގުޅުންހުރި ކަންކަން ދިރާސާކޮށްބަލައިއަޅަންޖެހޭ ފިޔަވަޅުތައް އެޅުން، އުނި ކުރުން.
1. ގަވާއިދުގެ 119 ވަނަ މާއްދާގެ (ހ)، ސަލާމަތީ ޚިދުމަތްތަކާބެހޭ ކޮމިޓީގެ މަސްއޫލިއްޔަތަކީ، ސަލާމަތީޚިދުމަތްތައް ހިނގާ ނުހިނގާގޮތް ބެލުމާއި، ޤައުމީ ސަލާމަތުގެ ކަންކަން ދިރާސާކުރުމާއި، ޤައުމީ ސަލާމަތުގެ ސިޔާސަތުތަކަށް ގެންނަންޖެހޭބަދަލެއް އޮތްނަމަ، އެކަމެއް ފާހަގަކޮށް އެކަމެއް މަޖިލީހަށް ހުށަހެޅުމާއި، އަންނަނިވި އިދާރާތަކާ ގުޅުންހުރި ކަންކަން ކަމަށް ބަދަލުކުރުން
މޯލްޑިވްސް ނޭޝަނަލް ޑިފެންސް ފޯސް
މޯލްޑިވްސް ޕޮލިސް ސަރވިސް
މިނިސްޓްރީ އޮފް ޑިފެންސް
މިނިސްޓްރީ އޮފް ހޯމް އެފެއާޒް
ނޭޝަނަލް ޑިޒާސްޓަރ މެނޭޖްމަންޓް އޮތޯރިޓީ
2. ގަވާއިދުގެ 119 ވަނަ މާއްދާގެ (ހ) ގެ ފަހަތަށް އަކުރެއް އިތުރު ކުރުން
އެގޮތުން މިމާއްދާގެ (ށ) ގައި މި މާއްދާގެ (ހ) ގައި ބަޔާންކޮށްފައިވާ އިދާރާތަކާ ގުޅޭގޮތުން ހުށަހަޅާބިލުތައް ދިރާސާކޮށް، ފުރިހަމަކޮށް، މަޖިލީހުން ރިޢާޔަތްކޮށްދިނުމަށްއެދި ކޮމިޓީގެ ރިޕޯޓު މަޖިލީހަށް ހުށަހެޅުން.
މިމާއްދާގެ (ނ) ގައި މި މާއްދާގެ (ހ) ގައި ބަޔާންކޮށްފައިވާ އިދާރާތަކުގެ އަހަރީ ރިޕޯޓުތައް ދިރާސާކޮށް، އިޞްލާޙުކުރަންޖެހޭ ކަންކަން ފާހަގަކޮށް އެކަންކަން އެންގުން.
އަދި މި މާއްދާގެ (ރ) މި މާއްދާގެ (ހ) ގައި ބަޔާންކޮށްފައިވާ އިދާރާތަކުން ހުށަހަޅާ މައްސަލަތައް ދިރާސާކޮށް، އެ ކަންކަމުގައި ކުރިއަށްދެވިދާނެ ގޮތުގެލަފާދިނުން ކަމަށް އިސްލާހުކުރުން
(ބ)ގައި މާއްދާގެ (ހ) ގައި ބަޔާންކޮށްފައިވާ އިދާރާތަކާ ބައްދަލުކޮށް، އެއިދާރާތަކުން ހިންގާ ކަންކަމާ ސުވާލުކޮށް، އެ އިދާރާތަކުން ކުރަންޖެހޭ ކަންކަން އެ އިދާރާތަކުންކުރަމުންދާގޮތް ބަލައި، އިޞްލާޙުކުރަންޖެހޭ ކަންކަން ބަޔާންކޮށްދިނުން.
(ޅ) މި މާއްދާގެ (ހ) ގައި ބަޔާންކޮށްފައިވާ އިދާރާތަކާ ގުޅޭގޮތުން އެއިދާރާތަކުންނާއި، ދައުލަތުގެ އެހެނިހެން އިދާރާތަކުންނާއި، މަޖިލީހުގެ މެންބަރުންނާއި، ޢާންމު ފަރާތްތަކުން ހުށަހަޅާ ޝަކުވާތަކާއި މައްސަލަތައް ބަލައި ދިރާސާކޮށް، މަޖިލީހުން ރިޢާޔަތްކޮށްދިނުމަށް އެދި ހުށަހެޅުން
(ކ) ޤައުމަށް ދިމާވާ އެކިއެކި ކާރިސާތަކާ ގުޅުންހުރި ކަންކަން ދިރާސާކޮށް ބަލައި، އަޅަންޖެހޭ ފިޔަވަޅުތައް އެޅުން.
