ފަސްވަނަ ރެލީ އޮފް ހޯޕް ކޮންފަރެންސް ސައުތު ކޮރެއާގައި ފަށައިފިއެވެ.

ޒުވާނުންނަށް ހާއްސަކޮށްގެން ބާއްވާ ރެލީ އޮފް ހޯޕްގެ ފަސްވަނަ ކޮންފަރެންސް ސައުތު ކޮރެއާގައި އާދީއްތަ ދުވަހު ފަށާފައިވާއިރު، މި ކޮންފަރެންސްގައި ދުނިޔޭގެ އެކި ބައްރުތަކުގެ ވެރިން ތަގުރީރު ކުރެއްވުމަށް ވަނީ ހަމަޖެހިފައެވެ. އެގޮތުން އެމެރިކާގެ ކުރީގެ ނައިބު ރައީސް މައިކަލް ޕެންސް އާއި ނައިޖީރިއާގެ ރައީސް މުހައްމަދު ބުހާރީއާ އިންޑިއާގެ ކުރީގެ ނައިބު ރައީސް މުހައްމަދު ހާމިދް އަންސާރީ ހިމެނިވަޑައިގަންނަވައެވެ.

މީގެ އިތުރުން މި ކޮންފަރެންސްގައި ކޮވިޑާއި ގުޅިގެން ދުނިޔެއަށް ދިމާވެފައިވާ ކަންކަމާ އަލިއަޅުވާލާ މަޝްވަރާ ކުރުމަށް ވަނީ ހަމަޖެހިފައެވެ. އެގޮތުން ޔުނައިޓެޑް ނޭޝަންސްގެ އެކްސްކުލޫސިވް ޑިރެކްޓަރ ޑޭވިޑް ބީސްލީއާ އޮކްސްފޯޑްގެ ކޮވިޑް ވެކްސިންގެ ކޯ ޑިވެލޮޕަރ ޑރ. ސާރާ ގިލްބާޓް ހާއްސް ތަގުރީރެއް ދިނުމަށް ވަނީ ހަމަޖެހިފައެވެ.

މި ހަރަކާތުގައި އޮންލައިންކޮށް ބައިވެރިވުމަށް ރަޖިސްޓްރޭޝަންގެ ފުރުސަތު ވަނީ ހުޅުވާލައިފައެވެ. އެގޮތުން rallyofhope-asia.org އިން ރަޖިސްޓްރީވެވޭނެ ކަމަށް ރެލީ އޮފް ހޯޕްއިން ބުނެއެވެ.