ހުޅުމާލޭގައި ބިދޭސީއަކު މަރުވެފައި އޮއްވާ ފެނިއްޖެ

ހުޅުމާލޭގައި ބިދޭސީއަކު މަރުވެފައި އޮއްވާ ފެނިއްޖެއެވެ.

ފުލުހުން ބުނީ ހުޅުމާލޭގެ ކޮންސްޓްރަކްޝަން ސައިޓެއްގައި މީހަކު މަރުވެފައި އޮތް ކަމުގެ މައުލޫމާތު ހޮނިހިރު ދުވަހުގެ ހެނދުނު 7:31 ހާއިރު ފުލުހުންނަށް ލިބިފައިވާ ކަމަށެވެ.

ފުލުހުން ބުނީ މަރުވެފައި އޮއްވާ ފެނުނީ ބަންގުލަދޭޝަށް ނިސްބަތްވާ 40 އަހަރުގެ ފިރިހެނެއް ކަމަށެވެ. އަދި މި މައްސަލައާއި ގުޅިގެން މިހާތަނަށް ބެލި ބެލުމުން ތުހުމަތުކުރެވޭ އެއްވެސް ކަމެއް ފާހަގަ ކުރެވިފައި ނުވާ ކަމަށެވެ. މި މައްސަލަ ފުލުހުން ދަނީ ތަހުގީގު ކުރަމުންނެވެ.

ކޮވިޑް-19 އާއި ގުޅިގެން އަމަލު ކުރަމުން އަންނަ އުސޫލުގެ ތެރެއިން އެއްވެސް މީހަކު މަރުވެއްޖެނަމަ  އެމީހެއްގެ ސާމްޕަލް ނަގާ ކޮވިޑަށް ޓެސްޓް ކުރާނެއެވެ. އަދި އެމީހަކު މަރުވެފައިވަނީ ކޮވިޑް ޖެހިގެންތޯ ނުވަތު ނޫންތޯ ކަށަވަރު ކުރާނެއެވެ.

މީގެ ކުރިން ވެސް ބިދޭސީއެއް މަރުވެގެން ހޮސްޕިޓަލަށް ގެންގޮސް ޓެސްޓް ކުރުމުން ކޮވިޑް-19ށް ޕޮޒިޓިވްވެފައިވެއެވެ.