ކ. މާލެ
|
22 ފެބްރުއަރީ 2021 | ހޯމަ 08:25
ދަރުމަވަންތަ ހޮސްޕިޓަލް، ކޮވިޑް-19ގެ ކޭސްތައް ދަނީ އިތުރުވަމުން
ދަރުމަވަންތަ ހޮސްޕިޓަލް، ކޮވިޑް-19ގެ ކޭސްތައް ދަނީ އިތުރުވަމުން
ރާއްޖެއެމްވީ
ކޮވިޑް-19ގެ ހާލަތު
އެޑްމިޓް ކުރާ ރޭޓްމަތި، އެކަކަށް ފަރުވާ ދެމުންދަނީ ވެންޓިލޭޓަރުގައި!
 
މުޅި ރާއްޖޭގެ ހާލަތަށް ބަލާއިރު ޖުމްލަ 162 މީހަކު ވަނީ އެޑްމިޓް ކުރެވިފައި
 
ދަރުމަވަންތަ ހޮސްޕިޓަލްގެ 16 ވަނަ ފަންގިފިލާގެ ވޯޑުގައި ހަ މީހަކަށް ފަރުވާ ދެމުންދޭ
 
ތިން މީހަކަށް އައިސީޔޫގައި ދަނީ ފަރުވާދެމުން

ކޮވިޑް-19ށް ޕޮޒިޓިވްވެ ފަރުވާ ހޯދަމުންދާ މީހުންގެ ތެރެއިން ތިން މީހަކަށް އައިސީޔޫގައި ފަރުވާ ދެމުންދާ ކަމަށާއި، އެކަކަށް ފަރުވާ ދެމުންދަނީ ވެންޓިލޭޓަރުގައި ކަމަށް ހެލްތް އެމަރޖެންސީ އޮޕަރޭޝަން ސެންޓަރ (އެޗްއީއޯސީ)ން ބުނެފިއެވެ.

އާދިއްތަ ދުވަހުގެ ރޭ ބޭއްވި ނޫސްވެރިންގެ ބައްދަލުވުމުގައި އެޗްއީއޯސީގެ ތަރުޖަމާނު ޑރ. ނަޒްލާ ރަފީގު ވިދާޅުވީ ހޮސްޕިޓަލްގައި އެޑްމިޓްކޮށްގެން ފަރުވާ ދޭމީހުންނަށް ބަލާއިރު ދަރުމަވަންތަ ހޮސްޕިޓަލްގެ 11 ފަންގިފިލާގެ އައިސީޔޫގައި ތިން މީހަކަށް ފަރުވާ ދެމުންދާ ކަމަށެވެ. މީގެ ތެރެއިން އެކަކަށް ވެންޓިލޭޓަރުގައި ފަރުވާ ދެމުންދާ ކަމަށް ޑރ.ނަޒްލާ ވިދާޅުވިއެވެ. އަދި ވިދާޅުވީ ދަރުމަވަންތަ ހޮސްޕިޓަލްގެ 16 ވަނަ ފަންގިފިލާގެ ވޯޑުގައި ހަ މީހަކަށް ފަރުވާ ދެމުންދާ ކަމަށާއި، ހުޅުމާލޭ މެޑިކަލް ފެސިލިޓީގެ ވޯޑުގައި 149 މީހަކަށް ފަރުވާ ދެމުންދާ ކަމަށެވެ.

މީހުން ދިރިއުޅޭ ރަށްތަކުގެ ތެރެއިން 43 ރަށެއްގައި ޖުމްލަ 223 ޕޮޒިޓިވް ކޭސް ހިމެނޭކަން ފާހަގަކުރައްވައި ޑރ. ނަޒްލާ ވިދާޅުވީ އަތޮޅުތެރޭގެ ކޮވިޑް ފެސިލިޓީތަކަށް ބަލާއިރު ށ. ފޮނަދޫ ކޮވިޑް ފެސިލިޓީގައި ދެމީހުން، ބ. އޭދަފުށީ ކޮވިޑް ފެސިލިޓީގައި އެކަކު އަދި އައްޑޫ ކޮވިޑް ފެސިލިޓީގައި އެކަކު އެޑްމިޓް ކުރެވިގެން ފަރުވާ ދެމުންދާ ކަމަށެވެ.

މީގެ އިތުރުން ޑރ. ނަޒްލާ ވިދާޅުވީ ކޮވިޑް-19ގެ މުޅި ރާއްޖޭގެ ހާލަތަށް ބަލާއިރު ޖުމްލަ 162 މީހަކު އެޑްމިޓް ކުރެވި ފަރުވާ ދެމުންދާ ކަމަށެވެ. އަދި ބަލީގައި އެޑްމިޓް ކުރާ ރޭޓް މަތިވާއިރު، ބަލިން ރައްކާތެރިވުމަށް އަޅާފައިވާ ފިޔަވަޅުތަކަށް ޚާއްސަ ސަމާލުކަމެއް ދިނުމަށް ޑރ. ނަޒްލާ ވަނީ އިލްތިމާސްކޮށްފައެވެ.

މިވަގުތު މޮނިޓަރިންގެ ހާލަތުގައި އޮތީ އައްޑޫ ސިޓީ، ފުވައްމުލަކު ސިޓީ އަދި މ. ކޮޅުފުއްޓެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: ނަހްދާ އާދަމް
0%
0%
100%
0%
0%
0%
ކޮމެންޓް