މާލެ ސަރަޙައްދުން ޕޮޒިޓިވްވި 103 މީހުންނާއެކު، މިއަދުގެ ކޮވިޑް ކޭސްތައް 157 ގައި

ރާއްޖެއިން އިތުރު 157 މީހަކު ކޮވިޑް-19 އަށް ޕޮޒިޓިވްވެއްޖެއެވެ.

ހެލްތް ޕްރޮޓެކްޝަން އޭޖެންސީ (އެޗްޕީއޭ) އިން ބުނީ، ރާއްޖެއިން އިތުރު 157 މީހަކު ކޮވިޑް-19އަށް ޕޮޒިޓިވްވެފައިވާ ކަމަށާއި، އޭގެ ތެރޭގައި މާލެ ސަރަޙައްދުން ޕޮޒިޓިވްވި 103 މީހަކު ހިމެނޭ ކަމަށެވެ. އަދި އަތޮޅު ތެރެއިން ޕޮޒިޓިވްވި 20 މީހަކާއި، ރިސޯޓުތަކުން ޕޮޒިޓިވްވި 34 މީހެއްވެސް އޭގެ ތެރޭގައި ހިމެނޭކަމަށް އެޗްޕީއޭގެ ތަފާސްހިސާބުތަކުން ދައްކައެވެ. އެއާއެކު، މިހާތަނަށް ރާއްޖެއިން ކޮވިޑަށް ޕޮޒިޓިވްވި މީހުންގެ ޖުމުލަ އަދަދު ވަނީ 18،769ށް އަރާފައެވެ.

މިހާތަނަށް ރާއްޖެއިން ކޮވިޑް ޖެހުނު މީހުންގެ ތެރެއިން 16،196 މީހަކު ބަލިން ރަނގަޅުވެފައިވެއެވެ. މިވަގުތުގެ އެކްޓިވް ކޭސްތަކުގެ އަދަދަކީ 2506 އެވެ. އޭގެ ތެރެއިން 162 މީހަކަށް ހޮސްޕިޓަލުގައި ފަރުވާދެމުންދާކަމަށް އެޗްޕީއޭއިން މައުލޫމާތު ދެއެވެ.

ރާއްޖެއިން ފެންނަމުންދާ ކޮވިޑް ކޭސްތައް މިހާރު އުޅެނީ 100ން މަތީގައެވެ. ކޮންމެ ދުވަހަކުވެސް ގިނަ ކޭސްތަކެއް ރިޕޯޓު ކުރެވޭއިރު، އޭގެ ތެރޭގައި ގިނައީ މާލޭ ސަރަޙައްދުން ފެންނަ ކޭސްތަކެވެ. އަދި އެކަމާ ގުޅިގެން މާލެ ސަރަޙައްދުގެ ފިޔަވަޅުތައް އިތުރަށް ވަރުގަދަކޮށްފައިވާއިރު، އަތޮޅު ތެރެއިންވެސް ބައެއް ރަށްރަށް މޮނިޓަރިންގއަށް ލާފައިވެއެވެ.

މިހާތަނަށް ރާއްޖެއިން ކޮވިޑް ޖެހިގެން ނިޔާވެފައިވަނީ 60 މީހެކެވެ.