ރާއްޖެ
ޑީސަލާއި ޕެޓްރޯލްގެ އަގު ބޮޑުވުން
އެސްޓީއޯއިން ޑީސަލާއި ޕެޓްރޯލްގެ އަގު ބޮޑުކޮށްފި
ދުނިޔޭގެ ބާޒާރުގައި ތެލުގެ އަގު ވަނީ ބޮޑުވެފައި
ޝުރުފާ މުހައްމަދު, ރާއްޖެ އެމްވީ | 21 ފެބުރުއަރީ 2021 | އާދީއްތަ 05:05
ހުޅުމާލެ އެފްއެސްއެމް ޕެޓްރޯލް ޝެޑް
އެސްޓީއޯ އިން ޑީސަލްއާއި ޕެޓްރޯލްގެ އަގު ބޮޑުކޮށްފިއެވެ.
އެސްޓީއޯއިން ނެރުނު ބަޔާނެއްގައި ބުނީ މި ދުވަސްވަރު ދުނިޔޭގެ ބާޒާރުގައި ތެލުގެ އަގު އުފުލިފައިވާތީ ރާއްޖެއަށް އެތެރެކުރާ ތެލުގެ އަގު ވެސް ބޮޑުވެފައިވާ ކަމަށެވެ. އެހެންވެ ރާއްޖެއިން ތެޔޮ ވިއްކާ އަގަށް ބަދަލުތައް ގެނައީ ކަމަށް އެސްޓީއޯއިން ނެރުނު ބަޔާނުގައި ބުނެފައިވެއެވެ.
އެސްޓީއޯއިން ގެނައި ބަދަލުތަކުގައިވާގޮތުން ޕެޓްރޯލް ވިއްކަން ހަމަޖައްސާފައި ވަނީ ލީޓަރެއް 8 ރުފިޔާ 44 ލާރިއަށް ކަމަށާއި ޑީސަލް ވިއްކާނީ 9 ރުފިޔާ 14 ލާރިއަށް ލީޓަރެއް ކަމަށް ބުނެފައިވެއެވެ. މިހާރު ވިއްކާ އަގާ އަޅާބަލާއިރު ޕެޓްރީލްގެ އަގުން ބޮޑުކޮށްފައި ވަނީ 37 ލާރިއެވެ. އަދި ޑީސަލްގެ އަގުން ބޮޑުކޮށްފައި ވަނީ 48 ލާރިއެވެ.
