ގާޒީ ޙަސަން ސައީދާއި ގުޅިގެން ހުށައެޅި މައްސަލަ ޖޭއެސްސީން ތަހުޤީޤުކުރަން ފަށައިފި
މި މައްސަލަ ޖޭއެސްސީއަށް ހުށައަޅާފައިވަނީ ހޯމަ ދުވަހު
ގާޒީ ޙަސަން ސައީދާއި ގުޅިގެން މީގެ ކުރިން ޖޭއެސްސީއަށް ހުށައެޅުނު މައްސަލައެއްގެ ތަހުޤީޤުގެ ތެރެއިން
ކުރީގެ ޓޫރިޒަމް މިނިސްޓަރ ޢަލީ ވަޙީދުގެ ޕާސްޕޯޓް ދޫކުރުމަށް ކްރިމިނަލް ކޯޓުން އަމުރު ނެރުއްވި ގާޒީ ޙަސަން ސައީދާއި ގުޅިގެން ޕްރޮސެކިއުޓަރ ޖެނެރަލް (ޕީޖީ) އޮފީހުން ޖުޑީޝަލް ސަރވިސް ކޮމިޝަން (ޖޭއެސްސީ)އަށް ހުށައެޅި މައްސަލަ އެ ކޮމިޝަނުން ތަހުޤީޤު ކުރަން ފަށައިފިއެވެ.
މި މައްސަލަ ޕީޖީ އޮފީހުން ޖޭއެސްސީއަށް ހުށައަޅާފައިވަނީ މިހިނގާ ފެބްރުއަރީ މަހުގެ 15 ވަނަ ދުވަހުއެވެ. އެގޮތުން މި މައްސަލައިގައި އާންމުކޮށް ކްރިމިނަލް ކޯޓުން ކަންކުރާ އުސޫލުތަކާއި ތަފާތުކޮށް ބައެއް ކަންކަން ކޮށްފައިވާކަން ޕީޖީ އޮފީހުން މީގެ ކުރިންވެސް ފާހަގަ ކޮށްފައިވެއެވެ. އެގޮތުން ޕީޖީން ބުނެފައިވަނީ އަލީ ވަހީދުގެ ޕާސްޕޯޓް ދޫކުރި މައްސަލާގައި، އެ އަމުރު ނެރުމުގައި، އާންމުކޮށް މިބާވަތުގެ އަމުރު ނެރުއްވުުމުގައި އަމަލުކުރާ އުސޫލުތަކާ ޚިލާފަށް އަމަލުކޮށްފައިވާ ކަމަށެވެ.
ގާޒީ ޙަސަން ސައިދާއި ގުޅިގެން ހުށައެޅިފައިވާ މި މައްސަލަ ތަހުޤީޤު ކުރުމަށް ނިންމައި ޖޭއެސްސީން މިހާރު ވަނީ އެކަމަށް ޚާއްސަ ތަހުޤީޤު ކޮމިޓީއެއްވެސް އެކުލަވާލާފައެވެ. އެގޮތުން ބުދަ ދުވަހު ޖޭއެސްސީން ނެރުނު ބަޔާނެއްގައި ބުނީ، ގާޒީ ޙަސަން ސައީދު ފާޅުކަން ބޮޑު ގޮތެއްގައި ޤާނޫނުއަސާސީއާއި ޤާނޫނުތަކާއި، ކަނޑައެޅިފައިވާ އިޖުރާއަތުތަކާ ޚިލާފަށް އަމަލު ކޮށްފައިވާ ކަމަށް ބެލެވޭ ކަމަށާއި، ދައުވާލިބޭ ފަރާތަށް ނާޖާއިޒް މަންފާ ހޯދައިދިނުމަށް މަސައްކަތް ކޮށްދެއްވާފައި ވާކަމަށް ބެލެވޭ ކަމަށެވެ. ވުމާއެކު ގާޒީ ޙަސަން ސައީދުގެ ސުލޫކީ މައްސަލަ ބެލުމަށް ބުދަ ދުވަހު ކޮމިޝަނުން ނިންމައި، އެކަމަށް ތަހުޤީޤު ކޮމިޓީއެއްވެސް ވަނީ އެކުލަވާލާފައެވެ.
ޕީޖީ އޮފީހުން ވަނީ އަލީ ވަޙީދުގެ ޕާސްޕޯޓު ދޫކުރުމަށް ކްރިމިނަލް ކޯޓުން ނެރުނު އަމުރު ހައިކޯޓުގައި އިސްތިއުނާފުވެސް ކޮށްފައެވެ. އަދި މި މައްސަލައާ ގުޅިގެން ޤާނޫނުގެ ދަށުން އަޅަންޖެހޭ ފިޔަވަޅުތައް އަޅާނެކަމުގެ ޔަޤީންކަންވެސް ޕީޖީ އޮފީހުން ދީފައިވެއެވެ.
ޖޭއެސްސީން މީގެ ކުރިންވެސް ގާޒީ ޙަސަން ސައީދުގެ މައްސަލަތަކެއް ބަލާފައިވެއެވެ. އޭރު ޙަސަން ސައީދު ފެމިލީ ކޯޓުގެ އިސްގާޒީ ކަމުގައި ހުންނަވަނިކޮށް، ޖޭއެސްސީން ބެލި މައްސަލަތައް ސާބިތުވެ ކޮމިޝަނުން އޭރު ނިންމީ ގާޒީއަށް ނަސޭޙަތް ދިނުމަށްފަހު، އޭރު ހުރި ކޯޓު ނޫން އެހެން ކޯޓަކަށް ބަދަލު ކުރުމަށެވެ. އެގޮތުން އޭރު ގާޒީ ޙަސަން ސައީދު ބަދަލު ކުރެއްވީ ކްރިމިނަލް ކޯޓަށެވެ.
ޕީޖީ އޮފީހުން ވަނީ އަލީ ވަޙީދުގެ ޕާސްޕޯޓު ދޫކުރުމަށް ކްރިމިނަލް ކޯޓުން ނެރުނު އަމުރު ހައިކޯޓުގައި އިސްތިއުނާފުވެސް ކޮށްފައެވެ. އަދި މި މައްސަލައާ ގުޅިގެން ޤާނޫނުގެ ދަށުން އަޅަންޖެހޭ ފިޔަވަޅުތައް އަޅާނެކަމުގެ ޔަޤީންކަންވެސް ޕީޖީ އޮފީހުން ދީފައިވެއެވެ.
ޖޭއެސްސީން މީގެ ކުރިންވެސް ގާޒީ ޙަސަން ސައީދުގެ މައްސަލަތަކެއް ބަލާފައިވެއެވެ. އޭރު ޙަސަން ސައީދު ފެމިލީ ކޯޓުގެ އިސްގާޒީ ކަމުގައި ހުންނަވަނިކޮށް، ޖޭއެސްސީން ބެލި މައްސަލަތައް ސާބިތުވެ ކޮމިޝަނުން އޭރު ނިންމީ ގާޒީއަށް ނަސޭޙަތް ދިނުމަށްފަހު، އޭރު ހުރި ކޯޓު ނޫން އެހެން ކޯޓަކަށް ބަދަލު ކުރުމަށެވެ. އެގޮތުން އޭރު ގާޒީ ޙަސަން ސައީދު ބަދަލު ކުރެއްވީ ކްރިމިނަލް ކޯޓަށެވެ.
އޭގެ ކުރިން 2016 ވަނަ އަހަރު ޖޭއެސްސީން ގާޒީ ހަސަން ސައީދާ ގުޅޭ ގޮތުން ބެލި މައްސަލައެއްގައި އޭނާ ސަސްޕެންޑްވެސް ކުރިއެވެ.
