ދިވެހިބަސް ހެޔޮ ގޮތުގައި ބޭނުންކުރުމުގެ މުބާރާތުގައި ބައިވެރިވުމުގެ ފުރުސަތު ހުޅުވާލަައިފި
12 ފެބުރުއަރީ 2021 | ހުކުރު 09:41މި މުބާރާތް ބާއްވަނީ ބައިނަލްއަގުވާމީ މާދަރީ ބަހުގެ ދުވަސް ފާހަގަކުރުމުގެ ގޮތުން
ވެލާނާ ބިލްޑިން، ސަރުކާރުގެ މުވައްޒަފުން ދިވެހި ބަހަށް އަހުލުވެރި ކުރުވުމަކީ ޚާއްސަ ސަމާލުކަމެއް ދޭ ކަމެއް
ދިވެހިބަސް ހެޔޮ ގޮތުގައި ބޭނުންކުރުމުގެ މުބާރާތް 2021 ގައި ބައިވެރިވުމުގެ ފުރުސަތު ހުޅުވާލަައިފިއެވެ.
ދިވެހިބަހުގެ އެކެޑަމީން ބުނީ ބައިނަލްއަގުވާމީ މާދަރީ ބަހުގެ ދުވަސް ފާހަގަކުރުމުގެ ގޮތުން ބޭއްވުމަށް ހަމަޖެހިފައިވާ "ދިވެހިބަސް ހެޔޮ ގޮތުގައި ބޭނުންކުރުމުގެ މުބާރާތު"ގައި ބައިވެރިވުމުގެ ފުރުސަތު ހުޅުވައިލާފައިވާ ކަމަށެވެ. މި މުބާރާތަކީ ސަރުކާރުގެ އޮފީސްތަކުގެ މުވައްޒަފުންނަށް ހުޅުވައިލައިފައިވާ މުބާރާތެއް ކަމަށް އެކެޑަމީން ބުނެއެވެ.
މިމުބާރާތް ކުރިއަށް ގެންދަން ނިންމާފައިވަނީ ވަރޗުއަލްކޮށް ކަމަށް ދިވެހި ބަހުގެ އެކަޑަމީން ބުނެއެވެ.
މި މުބާރާތުގެ މަޤްޞަދަކީ ދިވެހިބަސް ހެޔޮ ގޮތުގައި ބޭނުންކުރުމުގެ ގާބިލުކަން ސަރުކާރު މުވައްޒަފުންގެ ކިބައިގައި އިތުރުކުރުމާއި ސާފު ދިވެހިބަހުން މުއާމަލާތު ކުރުމުގެ ގާބިލުކަން އުފެއްދުމެވެ. މީގެއިތުރުން ސަރުކާރުގެ ލިޔުންތައް އާންމު ކުރުމަށް މަގުފަހި ކުރުވުމާއި ސަރުކާރު މުވައްޒަފުންނަކީ ދިވެހިބަހުން ކުށް ނުލައި ލިޔުމަށް ޝައުގުވެރިވާ ބައެއް ކަމުގައި ހެދުން ކަމަށް ދިވެހިބަހުގެ އެކެޑެމީން ބުނެއެވެ.
މުބާރާތުގައި ބައިވެރިވުމަށް އޮންލައިންކޮށް ފޯމް ހުށަހަޅަންޖެހޭއިރު، މި މުބާރަތުގައި ބައިވެރިވުމުގެ ސުންގަޑިއަކީ މިމަހުގެ 17 ވަނަ ދުވަހުގެ މެންދުރުފަހު 2:00އެވެ.
މި މުބާރާތް އޮންނާނީ މިމަހުގެ 21ވަނަ ދުވަހުގެ ހެނދުނު 10:00ން 11:00އަށެވެ.
