ކ. މާލެ
|
11 ފެބްރުއަރީ 2021 | ބުރާސްފަތި 19:33
ޗެލްސީއަށް ކުޅެމުން އަންނަ ދުނިޔޭގެ އެންމެ އަގުބޮޑު ގޯލްކީޕަރު ކެޕާ އަރިއްޒަބަލާގާ
ޗެލްސީއަށް ކުޅެމުން އަންނަ ދުނިޔޭގެ އެންމެ އަގުބޮޑު ގޯލްކީޕަރު ކެޕާ އަރިއްޒަބަލާގާ
ގެޓީ އިމޭޖަސް
ޗެލްސީގައި ކެޕާގެ ކުރިމަގު
ކެޕާއަށް އައު ފެށުމެއް ހޯދައިދޭނަން: ޓުޗެލް
 
ޗެލްސީ ދޫކޮށްލަން ކެޕާ ބޭނުންވާ ކަމަށް ރިޕޯޓުތައް ބުނޭ
 
ކެޕާއަށް ވަނީ ޗެލްސީގެ ފުރަތަމަ އެގާރައިން ޖާގަ ގެއްލިފައި

ޗެލްސީއަށް ކުޅެމުން އަންނަ ދުނިޔޭގެ އެންމެ އަގުބޮޑު ގޯލްކީޕަރު ސްޕެއިނުގެ ކެޕާ އަރިއްޒަބަލާގާއަށް އައު ފެށުމެއް ހޯދައިދޭނެކަމަށް އެ ޓީމުގެ ކޯޗުގެ މަގާމާ ދާދި ފަހުން ހަވާލުވި ތޯމަސް ޓުޗެލް ބުނެފިއެވެ.

ދުނިޔޭގެ އެންމެ އަގުބޮޑު ގޯލްކީޕަރުގެ ގޮތުގައި 2018 ވަނަ އަހަރު ކެޕާ ޗެލްސީއަށް ބަދަލުވީ 71.6 މިލިޔަން ޕައުންޑުގެ ފީއަކަށެވެ. އެކަމަކު ޗެލްސީން ކުޅުނު ގިނަ މެޗުތަކުގެ ކެޕާގެ ފަރާތުން ގިނަ ގޯސްތަކެއް ފެނިފައިވާއިރު، ކެޕާއަށް ޗެލްސީގެ ސަޕޯޓަރުންވެސް ނުރުހެއެވެ.

އެއާއެކު މިދިޔަ ހޫނު މޫސުމުގައި ޗެލްސީން ވަނީ ރެނެސްއަށް ކުޅެމުން އައި ސެނެގާލުގެ ގޯލްކީޕަރު އެޑޮއާޑް މެންޑީ އެ ޓީމަށް ގެނެސްފައެވެ. އެއާއެކު ކެޕާއަށް ވަނީ ޗެލްސީގެ ފުރަތަމަ އެގާރައިން ޖާގަ ގެއްލިފައެވެ.

އެކަމަކު އިނގިރޭސި އެފްއޭ ކަޕުގެ ފަސްވަނަ ބުރުގައި ބާންސްލީއާ ދެކޮޅަށް ޗެލްސީ ކުޅޭ މެޗުގައި ކެޕާއަށް ފުރުސަތު ދޭން ޓުޗެލް ވަނީ ނިންމާފައެވެ. އެ ފުރުސަތު ވެގެން ދާނީ ޓުޗެލްގެ ކޯޗުކަމުގެ ދަށުން ކެޕާ ކުޅޭނެ ފުރަތަމަ މެޗެވެ.

މި މެޗުގެ ކުރިން ބޭއްވި ނޫސްވެރިންގެ ބައްދަލުވުމުގައި ޓުޗެލް ބުނީ ކެޕާ ހާލަތު ވަރަށް ގާތުން ބަލަމުން އަންނަ ކަމަށާއި، އެގޮތުން އޭނާއަށް އުނދަގޫ ކަންތައްތަކެއް އެބަހުރި ކަމަށެވެ. އެކަމަކު ކެޕާއަށް ޗެލްސީގައި އައު ފެށުމެއް ހޯދައިދޭނެ ކަމަށާއި، އޭނާއަކީ ކުރިއަށް އޮތް ހޫނު މޫސުމުގައި ސްޕެއިނުން ބޭނުންކުރާނެ އެއްވަނަ ގޯލުކީޕަރު ކަމާ މެދު އެއްވެސް ޝައްކެތް ނެތް ކަމަށްވެސް ޓުޗެލް ވަނީ ބުނެފައެވެ.

ކެޕާއަށް އައު ފެށުމެއް ހޯދައިދޭނެ ކަމަށް ޓުޗެލް ބުނިއިރު، އެ ޓީމުގެ ފުރަތަމަ އެގާރައިން ޖާގަ ލިބުން ދަތިވުމާއެކު، އެޗެލްސީ ދޫކޮށްލަން އުމުރުން 26 އަހަރުގެ ކެޕާ ބޭނުންވާ ކަމަށް ރިޕޯޓުތައް ބުނެއެވެ. އެތުލެޓިކް ބިލްބާއޯ ދޫކޮށް 2018 ވަނަ އަހަރު ޗެލްސީއާ ގުޅުނު ކެޕާ ވަނީ އެ ޓީމަށް 101 މެޗު ކުޅެދީ، އެ ޓީމާއެކު ޔުއެފާ ޔޫރޮޕާ ލީގު ކާމިޔާބުކޮށްފައެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: ހުސައިން ފަރިޔާޒް
0%
100%
0%
0%
0%
0%
ކޮމެންޓް