ކ. މާލެ
|
7 ފެބްރުއަރީ 2021 | އާދީއްތަ 21:20
ޔޫއޭއީގެ ހޮސްޕިޓަލެއްގެ ތެރެއިން- އެ ޤައުމުގައި ރެކޯޑު އަދަދުތަކުން ދަނީ މީހުން ޕޮޒިޓިވްވަމުން
ޔޫއޭއީގެ ހޮސްޕިޓަލެއްގެ ތެރެއިން- އެ ޤައުމުގައި ރެކޯޑު އަދަދުތަކުން ދަނީ މީހުން ޕޮޒިޓިވްވަމުން
ދި ނެޝަނަލް
ކޮވިޑް-19 ޔޫއޭއީގެ ޙާލަތު
ޔޫއޭއީން މިވަގުތު ވެކްސިން ޖަހާނީ ހަމައެކަނި އުމުރުން ދުވަސްވީ މީހުންނާއި ހައިރިސްކް މީހުންނަށް
 
އެ ޤައުމުގައި މިވަގުތު 3 ވެކްސިނެއް ބޭނުން ކުރަމުންދޭ
 
ފެބްރުއަރީ މަހުގެ ކުރީކޮޅު ވަނީ ރެކޯޑު އަދަދުތަކުން މީހުން ޕޮޒިޓިވްވެފައި
 
ވީ އެންމެ ގިނަ އަދަދަކަށް ވެކްސިން ދޭނެ

ޔުނައިޓެޑް އަރަބި އެމިރޭޓްސް (ޔޫއޭއީ) ގައި ވެކްސިން ޖަހާނީ ހަމައެކަނި އުމުރުން ދުވަސްވީ މީހުންނާއި، ބަލިތައް ތަޙައްމަލު ކުރާ މީހުންނަށްކަމަށް އެ ޤައުމުން ކަނޑައަޅައިފިއެވެ.

އެ ޤައުމުގެ ދައުލަތުގެ މީޑިއާއާ ޙަވާލާދީ ރޮއިޓަރސްގައި ރިޕޯޓްކޮށްފައިވާ ގޮތުން މި ކުއްލި ބަދަލު ގެނައީ އެ ޤައުމުގައި ކޮވިޑުގެ ޙާލަތު ގޯސްވެ، ޙާލު ބޮޑުވެ މަރުވާ މީހުންގެ އަދަދު ދަށްކުރުމުގެ ގޮތުންނެވެ. އެގޮތުން ކުރިއަށް އޮތް 6 ހަފްތާގެ ތެރޭގައި އެ ޤައުމުން ވީ އެންމެ ގިނަ އަދަދަކަށް އުމުރުން ދުވަސްވީ މީހުންނާއި، ހައިރިސްކް ބަލި މީހުންނަށް ވެކްސިން ދޭނެކަމަށް ރިޕޯޓުތައް ބުނެއެވެ.

ޔޫއޭއީން ދުވާލެއްގެ މައްޗަށް ޕޮޒިޓިވްވާ އަދަދުތައް 3 ގުނައަށް އިތުރުވެފައިވާއިރު، ފެބްރުއަރީ މަހުގެ ކުރީކޮޅު ވަނީ ރެކޯޑު އަދަދުތަކުން މީހުން ޕޮޒިޓިވްވެފައެވެ. އެ ޤައުމުގައި މިވަގުތު 3 ވެކްސިނެއް ބޭނުން ކުރަމުންދާއިރު، އޭގެ ތެރޭގައި ހިމެނެނީ ފައިޒަރ އަދި ބައޯއެންޓެކްގެ ކޮވިޑް ވެކްސިނާއި، އޮކްސްފޯރޑުގެ އެސްޓްރަޒެނެކާ ވެކްސިންގެ އިތުރުން، ޗައިނާއިން އުފައްދާފައިވާ ސިނޮފާރމް ވެކްސިނެވެ.

އެ ޤައުމުން މިހާތަނަށް 323،000ށް ވުރެ ގިނަ މީހުން ކޮވިޑަށް ޕޮޒިޓިވްވެފައިވާއިރު، ފާއިތުވި 24 ގަޑިއިރުވެސް 3000ށް ވުރެ ގިނަ މީހުން ޕޮޒިޓިވްވެފައިވެއެވެ. އަދި މިހާތަނަށް 914 މީހަކު އެ ޤައުމުން ކޮވިޑް ޖެހިގެން ނިޔާވެފައިވެއެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: ޒަމްޢަތު އަޙްމަދު ވަހީދު
0%
0%
0%
0%
0%
0%
ކޮމެންޓް