ކ. މާލެ
|
2 ފެބްރުއަރީ 2021 | އަންގާރަ 06:57
ވެކްސިނާ ގުޅޭގޮތުން ދޮގު މައުލޫމާތު ފެތުރުމަށް ނަރީޝް ޓްވިޓަރގައި ހިއްސާ ކޮށްފައިވާ ފޮޓޯ
ވެކްސިނާ ގުޅޭގޮތުން ދޮގު މައުލޫމާތު ފެތުރުމަށް ނަރީޝް ޓްވިޓަރގައި ހިއްސާ ކޮށްފައިވާ ފޮޓޯ
ޓްވިޓަރ
ރާއްޖޭގައި ކޮވިޝީލްޑް ވެކްސިން ޖަހަން ފެށުން
އިދިކޮޅުގެ ސިޔާސީ ގޭމް މިފަހަރު ގޮވީ އަތަށް!
 
ގިނަ ބަޔަކު މިވަގުތު ދަނީ ނަރީޝްއަށް ފާޑު ކިޔަމުން
 
ޑރ މުޙައްމަދު އަލީ ވަނީ އެއީ ކޮވިޝީލްޑް ވެކްސިންކަން ކަށަވަރު ކޮށްދެއްވާފައި
 
ފައިޒަރ ވެކްސިން ރައްކާ ކުރަންޖެހެނީ -75 ޑިގްރީގައި

މީސްމީޑިއާއަކީ ފާޑެއްގެ ތަނެކެވެ. ތިމާއަށް ދެކެވޭ ވާހަކަ އާއި ފާޅު ކުރެވޭ ޝުޢޫރެއްގެ ސަބަބުން ބައެއް ފަހަރު މީހުންގެ ކުރިމަތީގައި ތިމާގެ އަގުވެއްޓި، ބޮޑު ލަދަކާ ކުރިމަތިލާން ޖެހޭ ދަނޑިވަޅުތައް ވެސް އާދެއެވެ. އެހެން މީހުންގެ އަގު ވައްޓާލުމުގެ ގޮތުން ނުވަތަ ބަޔަކަށް ދެރައެއް ދިނުމަށް ދެކެވޭ ވާހަކައަކުން ބައެއް ފަހަރު ފޭހުނު އިލޮށި އަމިއްލަ ލޮލަށް ހެރޭ ފަހަރު ވެސް އާދެއެވެ. އިދިކޮޅު ޕީ.ޕީ.އެމް.ގެ ކައުންސިލް މެންބަރު އަޙްމަދު ނަރީޝްއަށް ވެސް މިފަހަރު ދިމާވެފައި މިވަނީ އެކަހަލަ ގޮތެކެވެ.

ދާދި މިދާކަށް ދުވަހާ ޖެހެންދެން އިދިކޮޅުން ދައްކަމުން ގެންދިޔަ ވާހަކައަކީ އިންޑިއާގެ ސިރަމް އިންސްޓިޓިއުޓުން އުފައްދާފައިވާ ކޮވިޝީލްޑް ވެކްސިނަކީ ރައްކާތެރި ވެކްސިނެއް ނޫން ކަމަށެވެ. ރައްޔިތުން ޖަހަން ހެޔޮވާވަރުގެ ވެކްސިނެއް ވެސް ނޫން ކަމަށެވެ. ނަމަވެސް ހޯމަ ދުވަހު ލައިވްކޮށް، ދައުލަތުގެ 3 ބާރުގެ އިސް ވެރިން މި ދެންނެވި ވެކްސިން ޖެއްސެވުމާއެކު، އެވާހަކަތަކުގެ އަޑުވެސް މިވަނީ މަޑުވެފައެވެ. އެއާއެކު، ވެކްސިނާމެދު ރައްޔިތުންގެ މެދުގައި ނުތަނަވަސްކަން އުފެއްދުމުގެ ސިލްސިލާގެ ތެރެއިން ދެން ފެށިފައި މިވަނީ މުޅިން އެހެން ވާހަކައެކެވެ. ނަމަވެސް އެ ވާހަކަ "ވައިގައި ނުހިފައި" ދިޔައީ، ދެކެވުނު ވާހަކައިގެ ދެއުޅިއެއްނުވާ މިންވަރުން ކަމަށްވެސް ވެދާނެއެވެ.

ރައީސް ޞާލިޙު ވެކްސިން ޖެއްސެވުމާ ގުޅިގެން ނަރީޝް ޓްވިޓަރގައި ޙިއްޞާ ކުރި ޕޯސްޓަކަށް ގިނަ ބައެއްގެ ސަމާލުކަން ލިބިފައިވާއިރު، ޕޯސްޓުގައި ދައްކުވައިދެނީ ފައިޒަރ ވެކްސިންގެ ޑޯޒްތަކަކާއި ކޮވިޝީލްޑް ވެކްސިންގެ ޑޯޒް ތަކެކެވެ. ރައީސުލްޖުމްހޫރިއްޔާ އިބްރާޙިމް މުޙައްމަދު ޞާލިޙު ޖެއްސެވި ވެކްސިން ކަމަށް ބުނެ ޙިއްޞާކޮށްފައިވާ ފޮޓޯއާއެކު ބުނެފައިވަނީ، އެއީ ޙަޤީޤަތުގައި ފައިޒަރ ވެކްސިން ފުޅިއެއް ކަމަށާއި، އޭގައި ކޮވިޝީލްޑް ގެ ލޭބަލް ކޮށްގެން އޮޅުވައިލާފައިވާ ކަމަށެވެ. ހަޤީޤަތުގައި ރައީސް ޞާލިޙު ޖެއްސެވީ ފައިޒަރ ވެކްސިން ނޫން ކަމަށް ނަރީޝް ތުހުމަތު ކޮށްފައިވެއެވެ.

ނަރީޝްގެ މި ޓްވީޓު ރިޓްވީޓުކޮށް 100ށް ވުރެ ގިނަ މީހުން ކޮމެންޓު ކޮށްފައިވާއިރު، އޭގެ ތެރޭގައި ހައްތަހާވެސް ހިމެނެނީ ނަރީޝްއަށް ފާޑުކިއުންތައް ބަންޑުން ކުރަމުންދާ މީހުންނެވެ. އެންމެ ފަހުން ފޭހުނު އިލޮށި އަމިއްލަ ލޮލަށް ހެރި، ނުވިތާކަށް ޙިއްޞާކުރި ފޮޓޯގެ ޙަޤީޤަތް ވެސް މިވަނީ ހާމަވެފައެވެ.

ރައީސް ޞާލިޙު ޖެއްސެވި ވެކްސިން ކަމަށް ތުހުމަތުކޮށް ޙިއްޞާކޮށްފައި މިވާ ފޮޓޯއަކީ ޙަޤީޤަތުގައި އައި.ޖީ.އެމް.އެޗް.ގެ ނޭޝަނަލް ސެންޓަރ ފޮރ ރެސްޕިރޭޓަރީ މެޑިސިންގެ ފިޒީޝަން، ޑރ. މުޙައްމަދު އަލީ ނެންގެވި ފޮޓޯއެކެވެ. ޑރ މުޙައްމަދު އަލީ ވަނީ އެކަން "ރާއްޖެއެމްވީ"އަށް ވެސް ކަށަވަރު ކޮށްދެއްވާފައެވެ. އަދި ކޮވިޝީލްޑްގެ އެ ވެކްސިން ޑޯޒް ޖެއްސެވީ ވެސް ހަމަ އޭނާކަމަށް ވިދާޅުވިއެވެ.

އޭގެ އިތުރުން، ލައިވްކޮށް ރައީސް ޞާލިޙު ވެސް ވެކްސިން ޖައްސަވާފައިވާއިރު، ވެކްސިން ޑޯޒްއާއި ރައްކާ ކޮށްފައި ހުރި ގޮތުގެ އިތުރުން، ވެކްސިން ޖައްސަވާ މަންޒަރު ވެސް ރައްޔިތުންނަށް ހާމައަށް ފެނިގެން ދިޔައެވެ.

އޭގެ އިތުރުން، އެއީ ކޮވިޝީލްޑްގެ ލޭބަލް ޖަހާފައިވާ ފައިޒަރ ވެކްސިން ފުޅިއެއް ކަމަށް ދެއްކުމަށް ކުރި މަސައްކަތް ފަނުފުލުން ދިޔަ އަނެއް ސަބަބަކީ، ރައްޔިތުން ވެސް މިހާރު ވެކްސިންގެ މަޢުލޫމާތުތަކަށް އަހުލުވެރިވެފައި ވުމެވެ.

ރައީސުލްޖުމްހޫރިއްޔާ އިބްރާޙިމް މުޙައްމަދު ސޯލިޙު ކޮވިޝިލްޑް ވެކްސިން ޖައްސަވަނީ

ފައިޒަރ ވެކްސިން ރައްކާކުރާނެ ސްޓޯރޭޖެއް ނެތި، ވެކްސިން ޖެހޭނެ؟

ފައިޒަރ ވެކްސިން ރައްކާކޮށްފައި ބެހެއްޓޭނީ -75 ޑިގްރީ ސެލްސިއަސްގައެވެ. މިއީ އާންމުކޮށް ބޭނުންކުރާ އެހެން ވެކްސިންތަކަށްވުރެ 50 ޑިގްރީ ފިނިކަން އިތުރު ވެކްސިނެކެވެ. ފައިޒަރގެ ވެކްސިން ރެފްރިޖެރޭޓަރުގައި އެކްސްޕަޔަރ ވުމުގެ ކުރިން ބެހެއްޓޭނީ ވެސް ފަސް ދުވަސް ވަންދެންނެވެ. ޤައުމުތަކުން މި ވެކްސިނަށް ހުއްދަދީ، ބޭނުން ކުރުމުގެ ކުރިން، ވެކްސިން ރައްކާކޮށްފައި ބެހެއްޓޭނެ ޚާއްޞަ އިންތިޒާމުތައް ހަމަޖެއްސުމަށް އެތައް ތައްޔާރީތަކެއް ކުރީބައިގައި ވަމުންދެއެވެ.

އެއާ ޚިލާފަށް އެސްޓްރަޒެނެކާގެ ފޯރމިއުލާއަށް ސިރަމް އިންސްޓިޓިއުޓުން އުފައްދާފައި މިވާ ވެކްސިނަކީ އާންމު ރެފްރިޖްރޭޝަން ފިނިހޫނުމިނުގައި ވެސް ބޭނުން ކުރެވޭ ވެކްސިނެކެވެ. ވީއިރު، ފައިޒަރ ވެކްސިން ރައްކާ ކުރުމަށް ޚާއްޞަ ވަކި ކޯލްޑް ސްޓޯރޭޖެއް ނެތި، އެ ވެކްސިން ރާއްޖެ ގެނެސް ބޭނުން ކުރުމަކީ ބުއްދީގެ ހަމަތަކުން ބަލާއިރުވެސް ދެކޮޅު ޖެހޭ ވާހަކައެއް ނޫނެވެ. ފައިޒަރ ވެކްސިން ރައްކާ ކޮށްފައި ބެހެއްޓުމަށް ޚާއްޞަ ސްޓޯރޭޖެއް ނެތި، ރާއްޖެއިން އެ ވެކްސިން ގެނެސް ރާއްޖޭގެ ރައީސުލްޖުމްހޫރިއްޔާއާއި ދައުލަތުގެ ބާރުތަކުގެ އިސް ވެރިންނަށް ވެކްސިން ޖެއްސެވިއޭ ބުނުމުން، ރައްޔިތުންގެ ލޮލުގައި އަނދުން އެޅުވުމަށް ކުރާ މަސައްކަތް ނުހަނު ސާފެވެ.

އެންމެ ފަހުން އަޕްޑޭޓް ކުރީ: 2 މަސް ކުރިން
ރިވިއު ކުރީ: ނަހްދާ އާދަމް
6%
10%
2%
5%
17%
61%
ކޮމެންޓް
2 ފެބްރުއަރީ 2021 | އަންގާރަ 19:31
ޙ
ސޯލިހް ތިމަގާމުގާ ނެއްނަމަ ޖަހާނެ ބާ
2 ފެބްރުއަރީ 2021 | އަންގާރަ 19:15
ހަސަނު
އަޑު މަޑެއް ނުވޭ. ދައުލަތުގެ ތިންބާރުގެ އިސްވެރިން ކުރާ ކޮންމެކަމެއް އަހަރުމެން ބަލައެއް ނުގަންނަން. އަދި ކުރާކަށް ލާޒިމެއްވެސް ނޫން. އެއީ މާމޮޅު އަދި އިތުބާރުކުރެވޭ ބައެއްވެސް ނޫން. ތިޔަ ވެކްސިނެއް އަހަރުމެން ނުޖަހާނަން އިންޝާ ﷲ. މިބަލިމަޑުކަމުން މިގައުމު ސަލާމަތްކުރައްވާށި. ލައި ތިވަރެއް ނެތިގެން ލިޔޭ. މާދަން ޖަޒުބާތުން ބައިކޮޅަށް ހަމަ ތިވަރަށް ގޯލުޖަހާތަން އަތުވެދާނެ. ވަރަށް ސަލާމް.
2 ފެބްރުއަރީ 2021 | އަންގާރަ 13:45
އޭނާ
ނަރީޝް އަކީ ހުރިހާ ކަމެއް ދަންނަ މީހެއް ކިޔޭ ނިކިޔޭ އެއްވެސް އޭނަ އަށް ނޭންގޭނެ
2 ފެބްރުއަރީ 2021 | އަންގާރަ 10:47
ނަރީޝް
ގުދޯ ގުދޯ