މަހަށްދިޔަ މީހަކު ގެއްލިގެން ހޯދަނީ
މި މީހާގެ ޚަބަރެއް ނުވެގެން ހޯދަމުންދަނީ ބުރާސްފަތި ދުވަހުގެ ފަތިހު 05:30 ހާއިރުން ފެށިގެން
އަހްމަދު އާދަމް މަނިކު
މަހަށްދިޔަ މީހަކު ގެއްލިގެން ހޯދަމުންދާ ކަމަށް މޯލްޑިވްސް ނެޝެނަލް ޑިފެންސް ފޯސް (އެމްއެންޑީއެފް) އިން ބުނެފިއެވެ.
އެމް.އެން.ޑީ.އެފް.އިން ހޯދަމުންދަނީ އުމުރުން 81 އަހަރުގެ ކ. މާފުށި ޝޭޑީގްރޯވް، އަހްމަދު އާދަމް މަނިކު ނަމަކަށް ކިޔާ މީހެކެވެ. އެމް.އެން.ޑީ.އެފް.އިން ބުނީ 18 ފޫޓްގެ ރިޔަލު ދޯންޏެއްގައި އެމީހާ ކ. މާފުށިން އެކަނި ފުރާފައިވާ ކަަމަށެވެ. އަދި އެ މީހާގެ ޚަބަރެއް ނުވެގެން ހޯދަމުންދަނީ ބުރާސްފަތި ދުވަހުގެ ފަތިހު 05:30 ހާއިރުން ފެށިގެން ކަމަށް ވެސް އެމް.އެން.ޑީ.އެފް.އިން ބުންޏެވެ.
އަހްމަދު އާދަމް މަނިކު ގެއްލުނުކަމުގެ ރިޕޯޓް އެމް.އެން.ޑީ.އެފް.އަށް ލިބިފައިވަނީ ބުރާސްފަތި ދުވަހުގެ މެންދުރު 02:14 ހާއިރުއެވެ. އެމީހާ ހޯދުމުގެ މަސައްކަތް އެމް.އެން.ޑީ.އެފް.އިން އަންނަނީ ކުރަމުންނެވެ.
މި މީހާއާއި ދޯނީގެ ޚަބަރެއް ވެއްޖެނަމަ ލަސްނުކުރައްވާ އެމް.އެން.ޑީ.އެފް. ކޯސްޓްގަރޑްގެ ހިލޭ ގުޅޭ ނަންބަރު 191 އަށް ގުޅުމަށް ވަނީ އެދިފައެވެ.
