މިއަހަރުގެ ފެބްރުއަރީ މަހުން ފެށިގެން ސެކަންޑްރީ ޝިޕިންގ އެޖެންޓުން ޢައްޔަން ކުރެވޭ ގޮތަށް ހަމަޖައްސަނީ
ސެކަންޑްރީ ޝިޕިންގ އެޖެންޓުން ޢައްޔަން ކުރުމުގައި އަމަލު ކުރާނެ ގޮތްތައް ވަނީ ބަޔާންކޮށްފައި
މޯލްޑިވްސް ކަސްޓަމްސް ސަރވިސް ބިލްޑިންގ
މިއަހަރުގެ ފެބްރުއަރީ މަހުގެ 15 އިން ފެށިގެން ސެކަންޑްރީ ޝިޕިންގ އެޖެންޓުން ޢައްޔަންކުރެވޭ ގޮތަށް ހަމަޖައްސާނެ ކަމަށް މޯލްޑިވްސް ކަސްޓަމްސް ސަރވިސްއިން ބުނެފިއެވެ.
ކަސްޓަމްސްއިން ނެރުނު އިޢުލާނެއްގައި ބުނެފައިވަނީ ރާއްޖެއަށް އަންނަ އަދި ރާއްޖެއިން ފުރާ އުޅަނދު ފަހަރުގެ ކަންކަން ބެލެހެއްޓުމަށް ޢައްޔަންކުރެވޭ ޝިޕިންގ އެޖެންޓުގެ އިތުރުން އުޅަނދުގެ ވެރިފަރާތް ބޭނުންވެއްޖެނަމަ މުދަލާ ގުޅުން ނެތް ވަކި ޚިދުމަތްތަކެއް ފޯރުކޮށްދިނުމަށް ފެބްރުއަރީ މަހުގެ 15 އިން ފެށިގެން ޝިޕިންގ އޭޖެންޓުން ޢައްޔަންކުރެވޭ ގޮތަށް ހަމަޖައްސާފައިވާ ކަަމަށެވެ.
އެގޮތުން ސެކަންޑްރީ ޝިޕިންގ އޭޖެންޓުގެ ޚިދުމަތުގެ ގޮތުގައި ކުރަން އެއްބަސްވާ ކަންކަން ފޯރުކޮށްދެވޭނީ ހަމައެކަނި އެ ޝިޕިން އެޖެންޓަށް އެކަނިކަން ފާހަގަކޮށް ކަސްޓަމްސް އިން ބުނީ ފޯރުކޮށްދިނުމަށް އެއްބަސްވާ ޚިދުމަތްތައް އަދާކުރުމުގައި ކަސްޓަމްސްގެ ޤާނޫނާއި ޤަވާއިދާ ޚިލާފުވާނަމަ ޒިންމާ ނަގަން ޖެހޭނީ ވެސް ހަމަ އެ ފަރާތުން ކަމަށެވެ.
ކަސްޓަމްސް އިން ވަނީ ސެކަންޑްރީ ޝިޕިންގ އެޖެންޓުން ޢައްޔަންކުރުމުގައި އަމަލުކުރާނެ ގޮތްތައް ވެސް ވަނީ ބަޔާންކޮށްފައެވެ.
ފެބްރުއަރީ މަހުގެ 15 އިން ފެށިގެން ސެކަންޑްރީ ޝިޕިންގ އެޖެންޓުން ޢައްޔަންކޮށް ކިދުމަތް ފޯރުކޮށްދެމުންދާނެ ކަމަށް ކަސްޓަމްސް އިން ވަނީ ބުނެފައެވެ.
