ކުރިއަށް އޮތް ލޯކަލް ކައުންސިލް އިންތިޚާބާ ގުޅިގެން ފުލުހުން ކުރިއަށް ގެންދިއުމަށް ހަމަޖެހިފައިވާ ސެކިއުރިޓީ އޮޕަރޭޝަންގެ ކޮމާންޑަރާއި ޑެޕިއުޓީ ކޮމާންޑަރުކަމަށް ކޮމިޝަނަރ އޮފް ޕޮލިސް ބޭފުޅުން ޢައްޔަންކުރައްވައިފިއެވެ.
ލޯކަލް ކައުންސިލް އިންތިޚާބާ ގުޅިގެން ފުލުހުން ކުރިއަށް ގެންދާ އޮޕަރޭޝަންގެ ކޮމާންޑަރަކަށް ހަމަޖައްސާފައިވަނީ ޗީފް ސްޕްރިންޓެންޑެންޓް އޮފް ޕޮލިސް މުޙައްމަދު ރަޝީދެވެ. އަދި މި އޮޕަރޭޝަންގެ ޑެޕިއުޓީ ކޮމާންޑަރަކަށް ހަމަޖައްސާފައިވަނީ ޗީފް ސްޕްރިންޓެންޑެންޓް އޮފް ޕޮލިސް އާސިމް ޢަބްދުﷲއެވެ.
ލޯކަލް ކައުންސިލް އިންތިޚާބަކީ ރާއްޖޭގައި ބާއްވާ ބޮޑު އިންތިޚާބަކަށްވާއިރު، ކޮންމެ އިންތިޚާބަކާ ގުޅިގެން ވެސް ފުލުހުން ދަނީ އިންތިޚާބުގެ ސަލާމަތީ ކަންކަން ބަލަހައްޓައި، އިންތިޚާބަށް އަމާން އޮމާން މާހައުލެއް ގާއިމުކުރުމުގެ ގޮތުން އޮޕަރޭޝަން ކޮމާންޑަރުން ކަނޑައަޅައި ދުރާލައި ތައްޔާރީތައްވަމުންނެވެ.
