އެންޖީއޯ ކެޕޭސިޓީ ބިލްޑިންގ ވޯކްޝޮޕް ބާއްވަން ބޭނުންވާ ޖަމިއްޔާތަކަށް އެ ފުރުސަތު ހުޅުވާލައިފި

މަދަނީ ޖަމިއްޔާތަކުގެ ހިންގުން ހަރުދަނާ ކުރުމުގެ ގޮތުން 5 އަތޮޅަކަށް އަމާޒުކޮށް އެންޖީއޯ ކެޕޭސިޓީ ބިލްޑިންގ ވޯކްޝޮޕެއް ހިންގުމަށް ހަމަޖެހިފައިވާ ކަމަށާއި، މި ވޯކްޝޮޕް ބޭއްވުމަށް ބޭނުންވާ މަދަނީ ޖަމިއްޔާތަކަށް އެ ފުރުސަތު ހުޅުވާލައިފައިވާ ކަމަށް މިނިސްޓްރީ އޮފް ޔޫތް، ސްޕޯޓްސް އެންޑް ކޮމިއުނިޓީ އެމްޕަވަރމަންޓް އިން ބުނެފިއެވެ.

ޔޫތް މިނިސްޓްރީއިން ބުނީ 5 އަތޮޅަކަށް އަމާޒުކޮށްގެން ގެންދާ މި ވޯކްޝޮޕް ކުރިޔަށް ގެންދިޔުމަށް ހަމަޖެހިފައިވަނީ، ވޯކްޝޮޕް ކުރިޔަށް ގެންދާ ރަށުގެ މަދަނީ ޖަމިއްޔާއަކާއި ގުޅިގެން ކަމަށެވެ. އަދި ވޯކްޝޮޕް ބާއްވަން ބޭނުންވާ ޖަމިއްޔާއިން ވޯކްޝޮޕް ބޭއްވުމާއި، އިންތިޒާމް ކުރުމުގެ ހުރިހާ ކަމެއް ކުރިޔަށް ގެންދިޔުމުގެ ފުރުސަތު ދިނުމަށް ވަނީ ހުޅުވާލެވިފައި ކަމަށް ޔޫތް މިނިސްޓްރީއިން ބުނެއެވެ.

ޔޫތް މިނިސްޓްރީއިން ބުނީ މި ވޯކްޝޮޕް ބޭއްވުމަށް ޝައުގުވެރިވާ ފަރާތްތަކުންwww.youth.gov.mvވެބްސައިޓުން ފޯމު ނެންގެވުމަށްފަހުce@youth.gov.mvމެއިލް އެޑްރެސްއަށް ޕްރޮޕޯސަލް ހުށަހެޅުމަށެވެ.