އަންގާރަ 26 ޖެނުއަރީ 2021
8 ހުވަން
1442 ޖުމާދުލް އާހިރަތު 12
ފަތިސް 05:04
އިރުއަރާ 06:19
މެންދުރު 12:22
އަސްރު 15:42
އިރުއޮއްސޭ 18:18
އިޝާ 19:33
އިޓާލިއަން ލީގު

ރޯމާ އާއި އިންޓަ އެއްވަރުވުމުގެ ފައިދާ މިލާނަށް

  • ރޯމާ އާއި އިންޓަ ބައްދަލުކުރި މެޗު އެއްވަރުވީ 2-2 ގެ ނަތީޖާއަކުން
  • ތާވަލުގެ އެއްވަނައިގައި އޮތް މިލާނަށް ވަނީ ތިން ޕޮއިންޓުގެ ލީޑެއް ލިބިފައި

ކ. މާލެ | 10 ޖެނުއަރީ 2021 | އާދީއްތަ 19:30 | 1,883

ރޯމާ އާއި އިންޓަ ބައްދަލުކުރި މެޗުގެ ތެރެއިން: މި މެޗު އެއްވަރުވީ 2-2 ން - ގެޓީ އިމޭޖާސް

އިޓާލިއަން ލީގުގައި އާދީއްތަ ދުވަހުގެ ހަވީރު ކުޅުނު މެޗުން ރޯމާ އާއި އިންޓަ މިލާން އެއްވަރުވުމުން، ތާވަލުގެ އެއްވަނައިގައި އޮތް އޭސީ މިލާނަށް ތިން ޕޮއިންޓުގެ ލީޑެއް ލިބިއްޖެއެވެ.

ތާވަލުގެ ދެވަނައިގައި އޮތް އިންޓަ އާއި ތިންވަނައިގައި އޮތް ރޯމާ ބައްދަލުކުރި މެޗު އެއްވަރުވީ 2-2 ގެ ނަތީޖާއަކުންނެވެ.

ރޯމާގެ ދަނޑުގައި އާދީއްތަ ދުވަހުގެ ހަވީރު ކުޅުނު މެޗުގައި އެންމެ ފުރަތަމަ ލަނޑު ޖަހާ ލީޑު ނެގީވެސް އެ ޓީމުންނެވެ. އެގޮތުން މެޗުގެ 17 ވަނަ މިނެޓުގައި ރޯމާއަށް ލީޑު ނަގައިދިނީ ލޮރެންޒޯ ޕެލެގްރީނީއެވެ. މި މެޗުގައި އިންޓައިން ނަތީޖާ އެއްވަރުކޮށްފައިވަނީ ދެވަނަ ހާފު ފަށައިގެން 11 ވަނަ މިނެޓުގައެވެ. މި ލަނޑު އެ ޓީމަށް ކާމިޔާބުކޮށްދިނީ މިލާން ސްކްރިނިއާއެވެ.

އަދި މެޗުގެ 63 ވަނަ މިނެޓުގައި އަޝްރަފް ހަކީމީ ވަނީ އިންޓައަށް ލީޑު ނަގައިދީފައެވެ. އެކަމަކު މި މެޗުން އިންޓަ މޮޅުވާން ދަނިކޮށް ރޯމާއިން ނަތީޖާ އެއްވަރުކޮށްފައިވަނީ މެޗު ނިމެން ހަތަރު މިނެޓަށް ވެފައި ވަނިކޮށެވެ. މި ލަނޑު އެ ޓީމަށް ޖަހައިދިނީ ޖިއަންލޫކާ މަންޗީނީއެވެ.

މި މެޗު އެއްވަރުވުމާއެކު ތާވަލުގެ އެއްވަނައިގައި އޮތް މިލާނަށް ތިން ޕޮއިންޓުގެ ލީޑެއް ލިބުނުއިރު، އެ ޓީމު އެއްވަނައިގައި އޮތީ ކުޅުނު 17 މެޗުން ލިބުނު 40 ޕޮއިންޓާއެކުއެވެ. ދެވަނައިގައި އޮތް އިންޓައަށް 17 މެޗުން 37 ޕޮއިންޓް ލިބިފައިވާއިރު، ތިންވަނައިގައި އޮތް ރޯމާއަށް 17 މެޗުން ލިބިފައިވަނީ 34 ޕޮއިންޓެވެ.

އެންމެ ފަހުން އަޕްޑޭޓް ކުރީ: 2 ހަފްތާ ކުރިން | ރިވިއު ކުރީ: ހުސައިން ފަރިޔާޒް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.