ހޯމަ 18 ޖެނުއަރީ 2021
13 އުތުރަހަޅަ
1442 ޖުމާދުލް އާހިރަތު 04
ފަތިސް 05:02
އިރުއަރާ 06:17
މެންދުރު 12:20
އަސްރު 15:40
އިރުއޮއްސޭ 18:15
އިޝާ 19:31
އަލުން ދަތުރުތައް ފެށުން

ގަތަރު އެއަރވޭސް އިން ސައުދީ އަރަބިއްޔާއަށް އަލުން ދަތުރުތައް ފަށަނީ

  • ދަތުރުތައް ފަށަނީ ސައުދީގެ ބޯޑަރުތައް ގަތަރަށް ބަންދުވެފައި އޮންނަތާ ހަތަރު އަހަރު ވާން ގާތްވެފައިވަނިކޮށް

ކ. މާލެ | 10 ޖެނުއަރީ 2021 | އާދީއްތަ 06:07 | 1,602

ޤަތަރުގެ ފްލައިޓެއް - އެމްއޭސީއެލް

ޤަތަރު އެއަރވޭސް އިން ސައުދީ އަރަބިއްޔާއަށް އަލުން ދަތުރުތައް ފަށަން ތައްޔާރުވެއްޖެއެވެ.

ޤަތަރު އެއަރވޭސް އަދި ސައުދީ އެއަރލައިން އިން ފްލައިޓްތައް އަލުން ބާއްވަން ނިންމާފައިވަނީ ހޯމަ ދުވަހު ދޯހާ އާއި ރިޔާދްއާ ދެމެދުއެވެ.

ޤަތަރު އެއަރވޭސް އިން ބުނީ ރިޔާދްއަށް ހޯމަ ދުވަހު ފްލައިޓްތައް ބާއްވަން ނިންމާފައިވާއިރު ޖިއްދާއަށް ޖެނުއަރީ 14 ގައި ދަމަމްއަށް ޖެނުއަރީ 16 ގައި ފްލައިޓްތައް ބާއްވާނެ ކަމަށެވެ. އަދި ބޮޑެތި ފްލައިޓްތައް ވެސް ދަތުރު ކުރާނެ ކަމަށް ވަނީ ބުނެފައެވެ.

ދެ ޤައުމުގެ ދެމެދުގައި ފްލައިޓްތައް ބާއްވަން ނިންމާފައިވާއިރު ޔުނައިޓެޑް އަރަބް އެމިރޭޓްސް (ޔޫއޭއީ)ގެ ބޯޑަރުތައްވެސް ގަތަރަށް ހުޅުވާލުމަށް ވަނީ ނިންމާފައެވެ.

ޔޫއޭއީގެ ބޯޑަރުތައް ހުޅުވާލަން ނިންމާފައި މިވަނީ ޔޫއޭއީ އާއި ގަތަރާއި ދެމެދު ވެވުނު "އަލް އުލާ ޑިކްލެރޭޝަން" އެއްބަސްވުމުގެ ސަބަބުންނެވެ.

ޔޫއޭއީގެ ބޯޑަރުތައް 2017 ވަނަ އަހަރުގެ ޖޫން 5 ވަނަ ދުވަހު ގަތަރަށް ބަންދުކޮށްފައި އޮންނަތާ ހަތަރު އަހަރުވާން ކައިރިވެފައި ވަނިކޮށް އެގައުމުގެ ވައިގެ ބޯޑަރު، ކަނޑުގެ ބޯޑަރު އަދި އެއްގަމު ބޯޑަރު ގަތަރަށް ހުޅުވާލަން ނިންމާފައިވާ ކަމަށް އިއުލާން ކުރެއްވީ ޔޫއޭއީގެ ފޮރިން މިނިސްޓްރީގެ އަންޑަރސެކްރެޓަރީ ޚާލިދް އަބްދުﷲ އެވެ.

އެންމެ ފަހުން އަޕްޑޭޓް ކުރީ: 1 ހަފްތާ ކުރިން | ރިވިއު ކުރީ: ރާއްޖެ އެމްވީ

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.