ކޮވިޑް-19 ގެ ސަބަބުން ރާއްޖޭގެ ބޯޑަރު ބަންދުކޮށްފައި އޮތުމަށް ފަހު އަލުން ހުޅުވާލުމާއިއެކު މިހާތަނަށް 193 ގެސްޓް ހައުސް އޮޕަރޭޓް ކުރުމުގެ ހުއްދަ ދީފިއެވެ.

ޓޫރިޒަމް މިނިސްޓްރީ އިން އާންމުކޮށްފައިވާ ތަފާސްހިސާބުތައް ދައްކާގޮތުން، ޑިސެމްބަރ މަހުގެ 21 ވަނަ ދުވަހުގެ ނިޔަލަށް ރާއްޖޭގެ 10 އަތޮޅެއްގެ 29 ރަށެއްގައި މިހާރު ވަނީ ގެސްޓް ހައުސްތައް ހުޅުވާފައެވެ.

އެގޮތުން މިހާތަނަށް ގެސްޓްހައުސްތައް ހުޅުވާފައިވާ ރަށްތަކަކީ؛

ހއ. ވަށަފަރު - 3 ގެސްޓް ހައުސް

ނ. ފޮއްދޫ - 1 ގެސްޓް ހައުސް

ބ. ދަރަވަންދޫ - 2 ގެސްޓް ހައުސް

ބ. ފިނޮޅަސް - 1 ގެސްޓް ހައުސް

ބ. ކަމަދޫ - 3 ގެސްޓް ހައުސް

ކ. ދިއްފުށި - 6 ގެސްޓް ހައުސް

ކ. ގާފަރު - 4 ގެސްޓް ހައުސް

ކ. ގުޅި - 3 ގެސްޓް ހައުސް

ކ. ގުރައިދޫ - 12 ގެސްޓް ހައުސް

ކ. ހިންމަފުށި - 4 ގެސްޓް ހައުސް

ކ. ހުރާ - 9 ގެސްޓް ހައުސް

ކ. މާފުށި - 18 ގެސްޓް ހައުސް

ކ. ތުލުސްދޫ - 13 ގެސްޓް ހައުސް

އއ. މަތިވެރި - 4 ގެސްޓް ހައުސް

އއ. ރަސްދޫ - 9 ގެސްޓް ހައުސް

އއ. ތޮއްޑޫ - 24 ގެސްޓް ހައުސް

އއ. އުކުޅަސް - 12 ގެސްޓް ހައުސް

އދ. ދަނގެތި - 4 ގެސްޓް ހައުސް

އދ. ދިގުރަށް - 8 ގެސްޓް ހައުސް

އދ. ހަންޏާމީދޫ - 3 ގެސްޓް ހައުސް

އދ. އޮމަދޫ - 4 ގެސްޓް ހައުސް

ވ. ފުލިދޫ - 8 ގެސްޓް ހައުސް

ވ. ކެޔޮދޫ - 7 ގެސްޓް ހައުސް

ވ. ތިނަދޫ - 2 ގެސްޓް ހައުސް

ގދ. ތިނަދޫ - 1 ގެސްޓް ހައުސް

ޏ. ފުވައްމުލައް - 6 ގެސްޓް ހައުސް

ސ. ފޭދޫ - 1 ގެސްޓް ހައުސް

ސ. މަރަދޫ ފޭދޫ - 2 ގެސްޓް ހައުސް

ގްރޭޓަރ މާލެ ސަރަހައްދު - 19 ގެސްޓް ހައުސް

މިހާތަނަށް އެންމެ ގިނަ އަދަދެއްގެ ގެސްޓް ހައުސް ތޮއްޑޫގައި ހުޅުވާފައިވާ އިރު، ފަތުރުވެރިންނަށް ހިދުމަތް ދިނުމަށް ގެސްޓްހައުސްތަކުގައި 3,610 އެނދު މިހާރު އޮޕަރޭޓްކުރެއެވެ. މީގެތެރެއިން 2,026 އެނދު ކ. އަތޮޅުގެ ގެސްޓް ހައުސްތައް ހިއްސާކުރާއިރު، ހއ. އަތޮޅުގެ ގެސްޓް ހައުސްތަކުގައި 32 އެނދު، އަދި ނ. އަތޮޅުގެ ގެސްޓް ހައުސްތައް ހިއްސާ ކުރަނީ 24 އެނދެވެ. ބ. އަތޮޅުގައި 154 އެނދު އޮޕަރޭޓް ކުރަމުންދާ އިރު، އއ. އަތޮޅުގައި 666 އެނދު އަދި އދ. އަތޮޅުގައި 326 އެނދު އޮޕަރޭޓްކުރެއެވެ. މީގެ އިތުރުން ވ. އަތޮޅުގައި 266 އެނދެއް މިހާރު އޮޕަރޭޓް ކުރަމުންދާ އިރު، ގދ. އަތޮޅުގައި މިވަގުތު 24 އެނދު އޮޕަރޭޓްކުރެއެވެ. އަދި ޏ. އަތޮޅުގައި 50 އެނދާއި ސ. އަތޮޅުގައި 42 އެނދު ދަނީ އޮޕަރޭޓްކުރަމުންނެވެ.

ބޯޑަރު ހުޅުވާލިފަހުން މިހާރު ޖުމްލަ 472 ޓޫރިސްޓް އެކޮމަޑޭޝަން ފެސިލިޓީއެއް އޮޕަރޭޓް ކުރަމުންދާއިރު، މިއީ 193 ގެސްޓް ހައުސްގެ އިތުރުން، 139 ރިސޯޓާއި 10 ހޮޓާ އަދި 130 ސަފާރީއެވެ. މިހާރު ރާއްޖެ އިން ޖުމްލަ 39,697 އެނދު ދަނީ ފަތުރުވެރިންނަށް ހިދުމަތްދިނުމަށް އޮޕަރޭޓް ކުރަމުންނެވެ.

އެއީ ގެސްޓް ހައުސްތަކުގެ 3,610 އެނދުގެ އިތުރުން، ރިސޯޓްތަކުގައި ހުރި 32,380 އެނދާއި، ހޮޓާތަކުގައި މިވަގުތު އޮޕަރޭޓްކުރަމުންދާ 1,186 އެނދު އަދި ސަފާރީތަކުގައި އޮޕަރޭޓްކުރަމުންދާ 2,521 އެނދެވެ.

ކޮވިޑް-19ގެ ސަބަބުން ރާއްޖޭގެ ބޯޑަރު ބަންދުކޮށްފައި އޮތުމަށް ފަހު ޖުލައި 15 ގައި ބޯޑަރު ހުޅުވާލުމާއިއެކު ރިސޯޓްތަކާއި ސަފާރީތަކަށް ފަތުރުވެރިންނަށް ހިދުމަތްކުރުމުގެ ހުއްދަ ލިބިގެންދިޔަ ނަމަވެސް ގެސްޓްހައުސްތައް އޮޕަރޭޓްކުރުމުގެ ހުއްދަލިބިގެން ގޮސްފައި ވަނީ ފަހުންނެވެ. އެގޮތުން އަތޮޅުތެރޭގެ ގެސްޓް ހައުސްތައް އޮޕަރޭޓްކުރުމުގެ ހުއްދަ އޮގަސްޓް މަހުގެ 15 ވަނަ ދުވަހު ދީފައިވާއިރު، މާލެ ސަރަހައްދުގެ ގެސްޓް ހައުސްތައް އޮޕަރޭޓްކުރުމުގެ ހުއްދަދީފައި ވަނީ ޑިސެމްބަރ 14 ވަނަ ދުވަހުއެވެ.