ރާއްޖެއަށް ގަލްފް އެއަރގެ ދަތުރުތައް ފަށައިފި

ކޮވިޑް-19 ގެ ސަބަބުން ގަލްފް އެއަރ އިން ރާއްޖެއަށް ކުރަމުން އައި ދަތުރުތައް މެދުކަނޑާލާފައި އޮތުމަށްފަހު އަލުން ފަށައިފިއެވެ.

ޑިސެމްބަރ 13 ވަނަ ދުވަހު ބަހްރެއިންގެ ގަލްފް އެއަރއިން ރާއްޖެއަށް ކުރާ ދަތުރުތައް އަލުން ފަށާފައިވާއިރު، އެއެއަރލައުން ރާއްޖެއަށް ހަފްތާއަކު ދެ ފްލައިޓް އޮޕަރޭޓްކުރަން ވަނީ ހަމަޖެހިފައެވެ. އެގޮތުން ޕަސެންޖަރުންގެ މެދުގައި ރާއްޖެއަށް އޮތް ޑިމާންޑް ބޮޑުވުމުގެ ސަބަބުން ގަލްފް އެއަރލައިނުން ރާއްޖެއަށް ޑިސެމްބަރ މަހު ދަތުރުތައް ކުރަން ހަމަޖެހިފައި ވަނީ ބޮއިން 9-787 ޑްރީމްލައިނާ ފްލައިޓްތަކެވެ.

ގަލްފް އެއަރލައިން ގެ ދަތުރުތައް އެންމެ ފުރަތަމަ ރާއްޖެއަށް ފަށާފައި ވަނީ 2019 ވަނަ އަހަރުގެ އޮކްޓޫބަރ މަހުއެވެ.

މެދުއިރުމަތީގެ ބޮޑެތި އެއާލައިންތައް ކަމަށްވާ އެމިރޭޓްސް، އިއްތިހާދު އަދި ގަތަރު އެއާވޭސް އިން މިހާރުވެސް ރާއްޖެއަށް ދަތުރުތައް ކުރަމުން އަންނައިރު، އެއެއަރލައިންގެ ކަސްޓަމަރުންގެ މެދުގައި ރާއްޖެއަށް އޮތް ޑިމާންޑް އިތުރުވުމާއި ގުޅިގެން އެއަރލައިންތަކުން ރާއްޖެއަށް ކުރާ ދަތުރުތައް ވަނީ އިތުރުކޮށްފައެވެ.

ރާއްޖޭގެ ފަތުރުވެރިކަމުގެ ސީޒަން ފެށިފައިވާ އިރު، މިހާރުވެސް ގިނަ އެއަރލައިންތަކަކުން އަންނަނީ ރާއްޖެއަށް ދަތުރުތައް ފަށަން ތައްޔާރުވަމުންނެވެ.