ކްލައިމެޓް އިމަޖެންސީ އިއުލާންކުރުމަށް އދ. އިން ގައުމުތަކަށް ގޮވާލައިފި
ގައުމުތަކުން ވަނީ އެކި އަހަރުތަކަށް ބަހާލައިގެން ލަނޑުދަނޑިތަކެއް ކަނޑައަޅާފައި
އދ. ގެ ސެކެރެޓަރީ ޖެނެރަލް އެންޓޯނިއޯ ގުޓަރޭސް
ޖަށްވަށް ގްރީން ހައުސް ގޭސް ބޭރުކުރާ މިންވަރު މަދުކުރުން އަވަސްކުރުމަށްޓަކައި ކްލައިމެޓް އިމަޖެންސީ އިއުލާން ކުރެއްވުމަށް ގައުމުތަކުގެ ލީޑަރުންނަށް އދ. ގެ ސެކެރެޓަރީ ޖެނެރަލް އެންޓޯނިއޯ ގުޓަރޭސް ގޮވާލައްވައިފިއެވެ.
ހޮނިހިރު ދުވަހު ކުރިއަށްދިޔަ ކްލައިމެޓް އެމްބިޝަން ސަމިޓުގައި ގުޓަރޭސް ވަނީ، ކާބަން ނިއުޓްރަލް ގައުމަކަށް ވެވެންދެން ހުރިހާ ގައުމަކުންވެސް މިވަގުތަށް މޫސުމީ ކުއްލި ހާލަތު އިއުލާން ކުރުމަށް އެދިވަޑައިގެންފައެވެ.
މި ސަމިޓްގައި ގިނަ ގައުމުތަކަކުން ބައިވެރިވެފައިވާއިރު، ގައުމުތަކުން ވަނީ އެކި އަހަރުތަކަށް ބަހާލައިގެން ލަނޑުދަނޑިތަކެއް ކަނޑައަޅާފައެވެ.
ކްލައިމެޓް އިމަޖެންސީ އިއުލާން ކުރުމަށް ގުޓަރޭސް ގޮވާލައްވާފައިވާއިރު އެންމެ ފަހުން ކްލައިމެޓް އިމަރޖެންސީ އިއުލާނުކޮށްފައިވަނީ ނިއުޒިލެންޑުންނެވެ.
މޫސުމީ ކުއްލި ޙާލަތު އިއުލާނު ކުރުމަށްފަހު ނިއުޒިލޭންޑުން ވަނީ 2025ށް އެ ޤައުމަކީ ކާރބަން ނިއުޓްރަލް ޤައުމަކަށް ހެދުމަށް ނިންމާފައެވެ.
ނިއުޒިލޭންޑުގެ އިތުރުން، 32 ޤައުމަކުން މިހާތަނަށް ވަނީ މޫސުމީ ކުއްލި ޙާލަތު އިއުލާނު ކޮށްފައެވެ. އެގޮތުން މިހާތަނަށް ކުއްލި ޙާލަތު އިއުލާނު ކޮށްފައިވާ ޤައުމުތަކުގެ ތެރޭގައި ޖަޕާން، ކެނެޑާ، ފްރާންސް، ޔޫކޭ ހިމެނެއެވެ.
