މާލެ މަގުމައްޗަށް ވެއްޓިފައި އޮތް މީހަކަށް ފަރުވާދެމުންދަނިކޮށް ނިޔާވެއްޖެ
ނިޔާވެފައި ވަނީ އުމުރުން 44 އަހަރުގެ ދިވެހި ފިރިހެނެއް
ފާތުމަތު ނަހުލާ | 8 ޑިސެމްބަރު 2020 | އަންގާރަ 13:02
ިއިންދިރާ ގާންދީ މެމޯރިއަލް ހޮސްޕިޓަލް
މާލޭގެ ދެވިނަ މަގުގައި ވެއްޓިފައި އޮތްވާ ފެނުނު މީހަކު އައިޖީއެމްއެޗަށް ގެންގޮސް ފަރުވާ ދެމުން ދަނިކޮށް ނިޔާވެފައިވާކަމަށް ފުލުހުން ބުނެފި އެވެ.
ފުލުހުން މައުލޫމާތުދިންގޮތުގައި ނިޔާވެފައި ވަނީ އުމުރުން 44 އަހަރުގެ ދިވެހި ފިރިހެނެއް ކަމަށާއި ދެވިނަމަގުގައި މީހަކު ވެއްޓިފައި އޮތް ކަމުގެ މަޢުލޫމާތު ފުލުހުންނަށް ލިބިފައިވަނީ އަންގާރަ ދުވަހުގެ 14:03 ހާއިރު ކަމަށެވެ.
ފުލުހުން ބުނީ ނިޔާވި މީހާ އައިޖީއެމްއެޗް އަށް ގެންދިޔައީ ފުލުހުންގެ ވެހިކަލެއްގައި ކަމަށެވެ. މިކަމާއި ގުޅިގެން ބަލަންޖެހޭ ކަންކަން އިތުރަށް ބަލަމުން އަންނަކަމަށްވެސް ފުލުހުން ބުންޏެވެ.
