މިއަދު ޓެސްޓުކުރި 2012 ސާމްޕަލް އިން ޕޮޒިޓިވްވީ އެންމެ 16 މީހުން!

ފާއިތުވި 24 ގަޑިއިރު ތެރޭގައި ޓެސްޓުކުރި 2012 ސާމްޕަލްގެ ތެރެއިން ކޮވިޑް-19 އަށް ޕޮޒިޓިވްވީ އެންމެ 16 މީހުން ކަމަށް ހެލްތް ޕްރޮޓެކްޝަން އެޖެންސީ (އެޗްޕީއޭ) އިން ބުނެފި އެވެ.

އެޗްޕީއޭއިން ހާމަކޮށްފައިވާގޮތުން ހޮނިހިރު ދުވަހު ޕޮޒިޓިވްވި 16 މީހުންގެ ތެރޭގައި ހިމެނެނީ މާލެ އޭރިއާއިން ޕޮޒިޓިވްވި ނުވަ މީހަކާއި މީހުން ދިރިއުޅޭ ރަށްރަށުން ޕޮޒިޓިވްވި ފަސް މީހެއްގެ އިތުރުން ރިސޯޓްތަކުން ޕޮޒިޓިވްވި ދެ މީހުންނެވެ.

އެއާއި އެކު ރާއްޖެއިން ޕޮޒިޓިވްވި މީހުންގެ ޖުމްލަ އަދަދަކީ 13،159 އެކެވެ.

ރާއްޖެއިން މިހާތަނަށް ވަނީ 253،946 މީހެއްގެ ސާމްޕަލް ޓެސްޓްކޮށްފަ އެވެ.

އެކްޓިވް ކޭސްގެ ގޮތުގައި 841 ކޭސްއެއް ރިޕޯޓްކޮށްފައިވާއިރު މިހާތަނަށް ރާއްޖެއިން ބަލިން ފެސޭހަވި މީހުންގެ އަދަދަކީ 12،264 އެވެ.

މިވަގުުތުވެސް ހޮސްޕިޓަލުގައި 79 މީހަކަށް ފަރުވާދެމުންދާކަމަށް އެޗްޕީއޭއިން ބުނެއެވެ. ރާއްޖެއިން މިހާތަނަށް ވައިރަސްގެ ސަބަބުން މަރުވެފައިވާ މީހުންގެ އަދަދަކީ 47 އެވެ.