މިއަދު ޕޮޒިޓިވްވީ 21 މީހުން
މާލެ ސަރަހައްދުން ވަނީ 20 މީހަކު ޕޮޒިޓިވްވެފައި
ކޮވިޑް-19 އަށް ސާމްޕަލް ޓެސްޓް ކުރަނީ
ރާއްޖެއިން ކޮވިޑް-19 އަށް އިތުރު 21 މީހަކު ޕޮޒިޓިވް ވެއްޖެއެވެ.
ހެލްތް ޕްރޮޓެކްޝަން އެޖެންސީ (އެޗްޕީއޭ) އިން ހާމަކޮށްފައިވާ ގޮތުން ބުދަ ދުވަހު ޕޮޒިޓިވްވި މީހުންގެ ތެރޭގައި ހިމެނެނީ މާލެ އޭރިއާއިން ޕޮޒިޓިވްވި 20 މީހުންނާއި ރިސޯޓަކުން ޕޮޒިޓިވްވި މީހެކެވެ. އެއާއިއެކު ރާއްޖެއިން މި ބައްޔަށް ޕޮޒިޓިވްވި މީހުންގެ ޖުމްލަ އަދަދު ވަނީ 13،070 ށް އަރާފައެވެ.
އެޗްޕީއޭއިން ހާމަކޮށްފައިވާގޮތުން ފާއިތުވި 24 ގަޑިއިރުތެރޭގައި 1862 މީހެއްގެ ސާމްޕަލް ވަނީ ޓެސްޓް ކުރެވިފައެވެ. އަދި މިހާތަނަށް 248،153 މީހެއްގެ ސާމްޕަލް ވަނީ ޓެސްޓްކޮށްފައެވެ.
އެކްޓިވް ކޭސްގެ ގޮތުގައި 1015 ކޭސްއެއް ރިޕޯޓްކޮށްފައިވާއިރު މިހާތަނަށް ބަލިން ފަސޭހަވި މީހުންގެ ޖުމްލަ އަދަދު ވަނީ 12001 ށް އަރާފައެވެ. އަދި ހޮސްޕިޓަލުގައި 91 މީހަކަށް ފަރުވާދެމުންދާކަމަށް އެޗްޕީއޭއިން މައުލޫމާތުދެއެވެ.
ރާއްޖެއިން މި ބަލީގައި މަރުވި މީހުންގެ ޖުމްލަ އަދަދަކީ 47 އެވެ.
