ހާލުބެލުން ޕޯޓަލްއަށް ލިޔެކިޔުންތައް އަޕްލޯޑްކުރެވޭތޯ ކަށަވަރުކުރޭ: އެޗްއީއޯސީ
30 ނޮވެމްބަރު 2020 | ހޯމަ 02:06ލިޔެކިޔުންތައް އަޕްލޯޑް ކުރަން ޖެހޭނީ ދަތުރުކުރަން ގަސްތުކުރާ ތާރީޙުގެ 72 ގަޑިއިރު ކުރިއަށް
ޑރ. އިބްރާހިމް އަފްޒަލް
ފުރަބަންދު ކަރަންޓީންއަށް ދާން ބޭނުންވާ ފަރާތްތަކުން ހާލު ބެލުން ޕޯޓަލްއަށް ލިޔެކިޔުންތައް އަޕްލޯޑް ކުރެވޭތޯ ކަށަވަރު ކުރުމަށް ހެލްތް އިމަޖެންސީ އޮޕަރޭޝަން ސެންޓަރ (އެޗްއީއޯސީ) ން އެދިއްޖެ އެވެ.
އާދިއްތަ ދުވަހުގެ ރޭ އެޗްއީއޯސީން ބޭއްވި ނޫސްވެރިންގެ ބައްދަލުވުމުގައި ޑރ. އިބްރާހިމް އަފްޒަލް ވިދާޅުވީ ދަތުރުކުރަން ގަސްތުކޮށްފައިވާ ދުވަސް ބަދަލުވެއްޖެ ނަމަ އެބަދަލު އަނެއްކާވެސް އަޕްލޯޑް ކުރަން ޖެހޭނެކަމަށެވެ.
އަދި ލިޔެކިޔުންތައް ޕޯޓަލްއަށް އަޕްލޯޑް ކުރަން ޖެހޭނީ ދަތުރުކުރަން ގަސްތުކުރާ ތާރީޙުގެ 72 ގަޑިއިރު ކުރިއަށް ކަމަށް ޑރ. އަފްޒަލް ވިދާޅުވިއެވެ.
ޑރ. އަފްޒަލް ވިދާޅުވީ ދަތުރުކުރަން ގަސްތުކުރާ ތާރީހުގެ 10 ދުވަސް ކުރިއަށް ޑޮކިއުމަންޓްތައް އަޕްލޯޑް ކުރުމުން އެ ބަލައި ނުގަންނާނެ ކަމަށެވެ.
ކޮވިޑް19ޖެހި ރަނގަޅުވެފައި ތިބޭ މީހުންވެސް ރަށަށް ދިޔުމުގެ ކުރިން އެމީހަކަށް ބަލިޖެހި ރަނގަޅުވިތާ 90 ދުވަސް ހަމަނުވާ ކަމުގެ ލިޔުމެއް ބޭނުންވާނެ ކަމަށާއި އެ ލިޔުން ޕޯޓަލް އަށް އަޕްލޯޑު ކުރަން ޖެހޭނެ ކަމަށް ޑރ. އަފްޒަލް ވިދާޅުވިއެވެ.
