ފެންފުށިން ގެއްލިގެން ހޯދި ކުޑަކުއްޖާ ފެނުނީ މަރުވެފައިއޮއްވާ!
29 ނޮވެމްބަރު 2020 | އާދީއްތަ 14:11ކުޑަކުއްޖާ ގެެއްލިގެން ފުލުހުންނަށް ރިޕޯޓްކޮށްފައި ވަނީ ނޮވެމްބަރ 29 ވަނަ ދުވަހު ހަވީރު
ފާތިމަތު އުދުމާ | 29 ނޮވެމްބަރު 2020 | އާދީއްތަ 14:11
އދ. ފެންފުށި
އދ. ފެންފުށިން ގެއްލިގެން ހޯދަމުން ދިޔަ ކުޑަކުއްޖާ ފެނުނީ މަރުވެފައި އޮއްވާ ކަމަށް މޯލްޑިވްސް ޕޮލިސް ސަރވިސް އިން ބުނެފިއެވެ.
ފުލުހުން ބުނީ ފެންފުށިން އުމުރުން ހަތަރު އަހަރުގެ ކުޑަކުއްޖަކު ގެއްލިގެން ނޮވެމްބަރ 29 ވަނަ ދުވަހުގެ ހަވީރު 15:20 ގައި އެއިދާރާއަށް ހުށައަޅާފައިވާ ކަމަށެވެ.
ކުއްޖާ ހޯދުމުގެ މަސައްކަތް ކުރަމުން ދަނިކޮށް، އެކުއްޖާ ފެނުނީ މޫދުގައި އޮއްވާ ކަމަށާއި ހެލްތު ސެންޓަރަށް ގެންދިޔަ އިރުވެސް އެކުއްޖާ އޮތީ މަރުވެފައި ކަމަށް ހެލްތު ސެންޓަރުގެ ޑޮކްޓަރާ ހަވާލާދީ ފުލުހުން ބުނެއެވެ.
ފުލުހުން ބުނީ މިހާދިސާ އާއި ގުޅިގެން ބަލަންޖެހޭ ކަންކަން އެއިދާރާއިން ދަނީ މިހާރު ބަލަމުން ކަމަށެވެ.
