ފާއިތުވެދިޔަ 24 ގަޑީއިރު ތެރޭގައި ރާއްޖެއިން ކޮވިޑަށް ޕޮޒިޓިވް ވެފައިވަނީ 44 މީހުން ކަމަށް ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ބުނެފިއެވެ.

އެޗްޕީއޭއިން ބުނީ ބުރާސްފަތި ދުވަހުގެ އިރުއޮއްސި 06:00 އިން ފެށިގެން ހުކުރު ދުވަހުގެ އިރުއޮއްސި 06:00 އާއި ހަމައަށް ރާއްޖެއިން ކޮވިޑް-19 އަށް 1،538 މީހުން ޓެސްޓު ކޮށްފައިވާއިރު އޭގެ ތެރެއިން ޕޮޒިޓިވްވެފައި ވަނީ 44 ސާމްޕަލް ކަމަށެވެ.

ޕޮޒިޓިވްވި މީހުންގެ ތެރެއިން މާލޭ ސަރަހައްދުން ޕޮޒިޓިވްވެފައި ވަނީ 37 މީހުންނެވެ. އަދި އަތޮޅު ތެރެއިންނާއި ރިސޯޓުތަކުން ޕޮޒިޓިވްވެފައި ވަނީ 6 މީހުންނެވެ.

އިތުރު 44 މީހުން ކޮވިޑަށް ޕޮޒިޓިވްވުމާއިއެކު ރާއްޖެއިން މިހާތަނަށް ކޮވިޑަށް ޕޮޒިޓިވްވި މީހުންގެ އަދަދު 12،933 ށް ވަނީ އަރައިފައެވެ. އަދި މިހާތަނަށް ބަލިން ފަރުވާ ހޯދާ ރަނގަޅުވެފައި ވަނީ 11،749 މީހުންނަށް ވީއިރު އެކްޓިވް ކޭސްތަކުގެ އަދަދު ވަނީ 1،131 އިތުރުވެފައެވެ.

ހޮސްޕިޓަލުގައި އެޑްމިޓްކޮށްގެން 93 މީހުންނަށް ފަރުވާ ދެމުން އަންނައިރު ރާއްޖެއިން މިހާތަނަށް 46 މީހަކު ވަނީ މި ބަލީގައި ނިޔާވެފައެވެ.