އުރީދޫއިން އެމްއައިބީ މެދުވެރިކޮށް އިންސްޓޯލްމެންޓަށް މޯބައިލް ފޯނު އަދި އެކްސެސަރީ ލިބޭ ގޮތަށް ހަމަޖައްސައިފި
މާލެ އަދި ހުޅުމާލެ ޝޮޕުން މިހާރު އިންސްޓޯލްމަންޓަށް ތަކެތި ލިބޭނެ
އުރީދޫއިން އެމްއައިބީ މެދުވެރިކޮށް އިންސްޓޯލްމެންޓަށް ތަކެތި ނެގޭނެ
އުރީދޫ މޯލްޑިވްސް އިން ލިބެން ހުންނަ މޯބައިލް ފޯނު އަދި އެކްސެސަރީ، އިސްލާމިކް ބޭންކް (އެމްއައިބީ) ގެ އުޖާލާ ދިރިއުޅުން (ޔޫޑީ) ފައިނޭންސިނގް ފެސިލިޓީ މެދުވެރިކޮށް އިންސްޓޯލްމެންޓަށް ނެގުމުގެ ފުރުސަތު ހުޅުވާލައިފިއެވެ.
މި ޕަރޓްނާޝިޕްގެ ދަށުން އެމްއައިބީ ޔޫޑީ ފެސިލިޓީ ގެންގުޅޭ ކޮންމެ ފަރާތަކަށްވެސް އުރީދޫ މޯލްޑިވްސްއިން ލިބެންހުރި ކޮންމެ ޑިވައިސްއެއް އިންސްޓޯލްމަންޓަށް ލިބޭނެއެވެ.
އުރީދޫ މޯލްޑިވްސްގެ އެކްޓިންގ ޗީފް ކޮމާރޝަލް އޮފިސަރ، ހުސެއިން ނިޔާޒް ވިދާޅުވީ އީޖާދީ ޓެކްނޮލޮޖީ އާއި ޑިޖިޓަލް ޚިދުމަތްތަކާއިއެކު އެންމެފަހުގެ ޑިޖިޓަލް ޑިވައިސްތަކުގެ ބޭނުން ދުވަހެއް ދުވަހަކަށް ދަނީ އިތުރުވަމުން ކަމަށާއި އެހެންކަމުން، މި ޕަރޓްނަރޝިޕްގެ ދަށުން އެކުންފުނިން މާރކެޓްކުރާ ފޯނުތަކާއި ޑިވައިސްތައް، މާރކެޓްގައި ލިބެންހުރި އެންމެ ހެޔޮ އަގުގައި އިންސްޓޯލްމެންޓް ޕްލޭންއެއްގެ ދަށުން ގަތުމުގެ ފުރުސަތު ހުޅުވާލެވޭކަމަކީ ލިބޭ ވަރަށް ބޮޑު އުފަލެއް ކަމަށެވެ.
އުރީދޫ މޯލްޑިވްސްއިން ކަސްޓަމަރުންނަށް އެންމެ ފަހުގެ ލޯ އެންޑް، މިޑް ރޭންޖް އަދި ހައި އެންޑް ފޯނުތައް އަދި އެކްސެސަރީ، މާކެޓްގައި ލިބެން ހުރި އެންމެ ހެޔޮ އަގުގައި ފޯރުކޮށްދެމުންދާ ކަމަށް އެކުންފުނިން ބުންޏެވެ.
ޑިވައިސްތައް ބައްލަވައިގަންނަވާ އުރީދޫ ކަސްޓަމަރުންނަށް ހާއްސަ އޮފަރތަކުގެ ދަށުން ލިބިވަޑައިގަންނަވާ ހިލޭ ޑޭޓާ ފަދަ ފައިދާތައް އެމްއައިބީ ޔޫޑީ ފެސިލިޓީގެ ދަށުން ބައްލަވައިގަންނަވާ ކަސްޓަމަރުންނަށްވެސް ލިބިގެންދާނެ ކަމަށް އުރީދޫއިން ބުންޏެވެ.
ހަމައެހެންމެ، އެހެނިހެން ނެޓްވާރކްތަކުގެ ކަސްޓަމަރުންނަށްވެސް އެމްއައިބީ ޕޭމަންޓް ޕްލޭންގެ ދަށުން އުރީދޫ މޯލްޑިވްސް މެދުވެރިކޮށް ބޭނުންފުޅުވާ ޑިވައިސްއެއް ހެޔޮ އަގުގައި ބައްލަވައިގަތުމުގެ ފުރުސަތު ފަހިވެގެންދާނެ ކަމަށްވެސް އެކުންފުނިން ބުންޏެވެ.
އިންސްޓޯލްމެންޓް ޕްލޭން ކަނޑައެޅިގެންދާނީ ކޮންމެ ކަސްޓަމަރެއްގެ އެވޭލަބަލް ލިމިޓްއަށް އެކަށޭނަ ގޮތަށް އެމްއައިބީ އިން އެޕްރޫވް ކުރެވިގެންކަމަށް އެކުންފުނިން ވަނީ ބުނެފައެވެ.
