މިއަދު ޕޮޒިޓިވްވީ 35 މީހުން، ބަލިން ފަސޭހަވީ 36
26 ނޮވެމްބަރު 2020 | ބުރާސްފަތި 17:27ފާއިތުވި 24 ގަޑިއިރު ތެރޭގައި ވަނީ 1728 ސާމްޕަލް ޓެސްޓް ކުރެވިފައި
ކޮވިޑް-19 އަށް ސާމަޕްލް ނަގަނީ
ކޮވިޑް-19 އަށް އިތުުރު 35 މީހަކު ޕޮޒިޓިވްވެއްޖެއެވެ.
ހެލްތް ޕްރޮޓެކްޝަން އެޖެންސީ (އެޗްޕީއޭ) އިން ހާމަކޮށްފައިވާ ގޮތުން ބުރާސްފަތި ދުވަހު ޕޮޒިޓިވްވި މީހުންގެ ތެރެއިން 28 މީހުންނަކީ ގްރޭޓަރ މާލެ ސަރަހައްދުން ޕޮޒިޓިވްވި މީހުންނެވެ. މީގެ އިތުރުން އަތޮޅުތެރެއިން ޕޮޒިޓިވްވި ތިން މީހަކާއި ރިސޯޓްގެ ގޮތުގައި ތަރައްޤީ ކުރަމުންދާ ރަށްތަކުން ޕޮޒިޓިވްވި ހަތަރު މީހަކު ހިމެނެއެވެ. އެއާއިއެކު ރާއްޖެއިން ކޮވިޑް-19 އަށް ޕޮޒިޓިވްވި މީހުންގެ އަދަދު ވަނީ 12،889 އަށް އަރާފައެވެ.
އެޗްޕީއޭއިން ހާމަކޮށްފައިވާ ގޮތުން ފާއިތުވި 24 ގަޑިއިރު ތެރޭގައި ވަނީ 1728 ސާމްޕަލް ޓެސްޓް ކުރެވިފައެވެ. އަދި މިހާތަނަށް ޖުމްލަ 237،733 ސާމްޕަލް ވަނީ ޓެސްޓްކުރެވިފައެވެ.
އެކްޓިވް 1119 ކޭސްއެއް ރިޕޯޓްކޮށްފައިވާއިރު މިހާތަނަށް ބަލިން ފަސޭހަވެފައި ވަނީ 11717 މީހުންނެވެ. ހޮސްޕިޓަލުގައި މިވަގުތު 95 މީހަކަށް ފަރުވާދެމުންދާއިރު، މި ބަލީގައި ރާއްޖެއިން މަރުވެފައިވަނީ 46 މީހެކެވެ.
