ޔުނިވާސަލްގެ ޑިރެކްޓަރ ޑރ. އިބްރާހިމް އުމަރު މަނިކު އަަވަހާރަވެއްޖެ
ޑރ. އިބްރާހިމް އުމަރު މަނިކު އަކީ އެމްޔޫ އުމަރު މަނިކުގެ ކޮއްކޯފުޅު
ޑރ. އިބްރާހިމް އުމަރު މަނިކު
މަޝްހޫރު ޔުނިވަރސަލް ކުންފުނީގެ ޑިރެކްޓަރުންގެ ބޯޑުގައި ހިމެނިވަޑައިގަންނަވާ ޑރ. އިބްރާހިމް އުމަރު މަނިކު އަވަހާރަވެއްޖެއެވެ.
ޑރ. އިބްރާހިމް އުމަރު މަނިކު އަވަހާރަވީ ބުރާސްފަތި ދުވަހުގެ ފަތިހުގެ ވަގުތެއްގައި ހިތްޕުޅުގެ އާލާސްކަންފުޅަކަށް ފަރުވާ ހޯއްދަވަމުން ގެންދަވަނިކޮށް ސިންގަޕޫރުގައެވެ. އޭނާ އަކީ ޔުނިވަރސަލްގެ ބޯޑުގައި ހިމެނިވަޑައިގަންނަވާ މަޝްހޫރު ވިޔަފާރިވެރިޔާ މުހައްމަދު އުމަރު މަނިކު (އެމްޔޫ މަނިކު)ގެ ކޮއްކޯފުޅެެވެ. ޑރ. އިބްރާހިމް އުމަރު މަނިކަކީ ރާއްޖޭގެ އެންމެ ފުރަތަމަ ހޭނައްތާ ޑޮކްޓަރެވެ.
އޭނާ ވަނީ ގިނަ ދުވަސްތަކެއް ވަންދެން ސެންޓްރަލް ހޮސްޕިޓަލުގައި މަސައްކަތް ކުރައްވާފައެވެ. އަވަހާރަވީ އުމުރުން 68 އަހަރުގައެވެ. ޑރ. އިބްރާހިމް އުމަރު މަނިކު އަވަހާރަވިއިރު ދުނިޔޭގައި އަނބިކަނބަލަކާއި ދެ ބޭފުޅުން ތިއްބަވައެވެ.
