މަސްކޮޅެއް ނުކެޔަސް ޕްރޮޓީންސް ހޯދިދާނެ ފަސް ގޮތެއް!

ކެއިންބުއިމުގެ ވައްޓަފާޅި އަކީވެސް ތަފާތު އެތައް ސިފަތަކެއް ލިބިގެންވާ ކަމެކެވެ. އެއް ބަޔަކަށް ކަމުދާ އެއްޗެހި އަނެއް ބަޔަކަށް ކަމަކު ނުދެއެވެ. އެއް ބަޔަކަށް އެއާ ނުލާ ކެއުމެއް ފުރިހަމަ ނުވާ އެއްޗެއްސަކީ، އަނެކާގެ ފިކުރާއި ޤަބޫލު ކުރުންތައް ހުންނަ ގޮތުން، ސުވާއެއްގެ މިންވަރުވެސް ބޭނުން ކުރުމަށް އުޒުރުވެރިވާ އެއްޗެއްސެވެ. މި ބުނި ފަދަ އެއް ބަޔަކީ ވެޖިޓޭރިއަނުންނާއި ވީގަންސްއެވެ. މިއީވެސް އަދި 2 ބައެކެވެ. އެއްބަޔަކަށް ކިޔައި އުޅޭ 2 ނަމެކޭ ހީވިއަސް، މިއީ ހަމަ 2 ބައެކެވެ. ފަރަގަކަށް އޮތީ ތުނިތުނި ފަށަލައެކެވެ.

ވެޖިޓޭރިއަނުންނަކީ އެއްގަމު މަހާއި، ކަނޑުމަހާއި، ޝެފިލްފިޝް އަދި ކްރަސްޓޭޝާ (ޑިނގާ، ކަކުނި ފަދަ ދިރުންތައް) ބޭނުންކޮށްގެން އުފައްދާފައި ހުންނަ ކާބޯތަކެއްޗާ ދުރުހެލިވެގެން އުޅޭ މީހުންނެވެ. އަދި ޖަނަވާރުގެ އެކިއެކި ބައިތަކުން ތައްޔާރު ކުރާ، ޖެލަޓިން ފަދަ އުފެއްދުންތައްވެސް ވެޖިޓޭރިއަނުން ބޭނުމެއް ނުކުރެއެވެ. ވީގަންސްއަކީ މަސްދަރަކީ ޖަނަވާރެއް ކަމަށްވާ އެއްވެސް ބާވަތެއް ބޭނުންކުރާ ބައެއް ނޫނެވެ. މަސް އެކަންޏެއް ނޫނެވެ. ޖަނަވާރުތަކުގެ ކިރާއި، ކިރުގެ އުފެއްދުންތައް ބޭނުމެއް ނުކުރެއެވެ. ބިހަކީވެސް ވީގަންސްގެ މެނޫގައި ހިމަނާ ބާވަތެއް ނޫނެވެ. ވެޖިޓޭރިއަނުންނާއި ވީގަންސްގެ ކެއުމަކީ މުޅިހެން ފަތްޕިލާވެލީގެ ދުނިޔެއެއްގައި ވަށާޖެހިފައިވާ ކެއުމެކެވެ.

ޕްރޮޓީން އަކީ ދުޅަހެޔޮ ކާނާއެއްގެ މުހިންމު ބައެކެވެ. ޕްރޮޓީންތައް އެކުލެވިގެންވަނީ އެމިނޯ އެސިޑް ކިޔާ ކެމިކަލް ތަކުންނެވެ. މަސްތަކާއި ކަށިތައް އުފެދި ވަރުގަދަވުމާއި، އިޔާދަވުމާއި، ހޯރމޯންތަކާއި އެންޒައިމްތައް އުފެއްދުމަށް ހަށިގަނޑުގައި އެމިނޯ އެސިޑް ބޭނުންކުރެއެވެ. އަދި ހަކަތަ އުފައްދާ އެއްޗެއްގެ ގޮތުގައި ވެސް ބޭނުން ކުރެވެއެވެ. މަހާއި މަހުގެ އުފެއްދުންތަކަކީ ހަށިގަނޑަށް ބޭނުންވާ ޕްރޮޓީންގެ ބައިތައް ލިއްބައިދޭ މުހިންމު މަސްދަރެކެވެ. ކިރާއި ކިރުގެ އުފެއްދުންތަކަކީވެސް ޕްރޮޓީން ލިއްބައިދޭ މުހިންމު މަސްދަރެކެވެ. އެހެންވިއްޔާ، ހަށިގަނޑަށް ބޭނުންވާ މުހިންމު މާއްދާތަކުގެ ލިސްޓުގައި ހިމެނޭ ޕްރޮޓީންސްގެ މާއްދާ ހޯދާނީ ކިހިނެއް ކަމާ މެދު ސުވާލު އުފެދުން ގާތެވެ.

މަހާއި މަހުގެ އުފެއްދުންތަކާއި، ޖަނަވާރު ކިރާއި، ކިރުގެ އުފެއްދުންތަކާ ދުރުގައި އުޅުނެއް ކަމަކު ހަށިގަނޑަށް ބޭނުންވާ ޕްރޮޓީންގެ ބައިތައް ނުލިބިދާތީ ކަންބޮޑުވެ، ހާސްވާކަށް އަދި ނުޖެހެއެވެ. ހިއްސާކުރެވޭތޯ މަސައްކަތް މި ކުރަނީ ވީގަންސްއާއި ވެޖިޓޭރިއަނުންގެ ކެއިންބުއިމުގައި ބޭނުން ކުރެވިދާނެ، ޕްރޮޓީންސްގެ މަސްދަރުތަކެކެވެ.

މި ހިއްސާކުރި 5 ބާވަތުގެ އިތުރުންވެސް، ވެޖިޓޭރިއަނުންނާއި ވީގަންސްގެ ކެއިންބުއިމުގައި ޕްރޮޓީން ހިމަނާ، މުއްސަނދި ކުރެވިދާނެ އިތުރު މަސްދަރުތައް އެބަހުއްޓެވެ. ބޭނުން ކުރެވިދާނެ ކިތަންމެ ބާވަތެއް އެބަހުއްޓެވެ. އޭގެ ތެރޭގައި ޓޯފޫ، މުގުގެ ބާވަތްތައް އަދި ކީޏްޔުއާ ހިމެނެއެވެ. މިއިން ކޮންމެ ބާވަތަކީވެސް ޕްރޮޓީންސް ލިއްބައިދޭ ބާވަތެކެވެ. އަދި ނުވިތާކަށް، އެތައް ގޮތަކަށް ބޭނުން ކުރެވިދާނެ ބާވަތްތަކެއްވެސްމެއެވެ.