ފަރީ ހައްޖު އެންޑް އުމްރާ ގްރޫޕްގެ ހަވާލުގައި ޖުލައި މަހު އުމްރާއަށް ދިޔަ ހުރިހާ އުމްރާވެރިން ކާމިޔާބުކަމާއެކު ދަތުރު ނިންމާލައިފި

ފަރީ ހައްޖު އެންޑް އުމްރާ ހަވާލުގައި ޖުލައި މަހު އުމްރާއަށް ދިޔަ ހުރިހާ އުމްރާވެރިން ބުދަ ދުވަހާއި ބުރާސްފަތި ދުވަހުގެ ވަގުތެއްގައި މާލެ އަންނާނެ ކަމަށް އެ ގުރޫޕުން ބުނެފިއެވެ.

ފަރީ ހައްޖު އުމްރާ ޓުއަރސް ޕްރައިވެޓް ލިމިޓެޑްގެ، ފަރީ މިސްގެ ގްރޫޕްއަކީ ދިވެހިންގެ އިތުބާރާއި ޔަގީންކަން ހޯދާފައިވާ އުމްރާ ގްރޫޕެކެވެ.

ރާއްޖެއެމްވީއަށް މައުލޫމާތު ދެއްވަމުން އެގްރޫޕްގެ ވެރިޔާ ފަރީދާ ހަސަން ވިދާޅުވީ ފަރީ ހައްޖު އެންޑް އުމްރާ ހަވާލުގައި ޖުލައި މަހު އުމްރާއަށް ދިޔަ އުމްރާވެރިންގެ ތެރެއިން ފުރަތަމަ ގުރޫޕް ބުދަ ދުވަހުގެ މެންދުރުފަހު 3:15 ގައި މާލެ އަންނާނެ ކަމަށެވެ. ދެވަނަ ގުރޫޕުން ސައުދީ ޑައިރެކްޓް ފްލައިޓުން ބުރާސްފަތި ދުވަހު މާލެއަށް އަންނާނެ ކަމަށެވެ.

ފަރީދާ ވިދާޅުވީ މިދަތުރުގައި ހުރިހާ މީހުންނަށް ވެސް 4 އުމްރާ ކުރުމުގެ ފުރުސަތު ހޯދާދެވިފައިވާ ކަމަށެވެ. އަދި މައްކާ މަދީނާގެ މުހިންމު ތަންތަން ބަލާލުމުގެ ފުރުސަތާއި، މަދީނާގެ ރައުޟާއަށް ވަނުމުގެ ފުރުސަތު ހޯދާދެވިފައިވާ ކަމަށް އޭނާ ވިދާޅުވިއެވެ.

ކުރިއަށް ހުރި ދަތުރުތަކަށް އިޝާރާތް ކުރައްވައި ފަރީދާ ވިދާޅުވީ ސްކޫލު ޗުއްޓީ ދުވަސްވަރާ ދިމާކޮށް، ސެޕްޓެންބަރު މަސް އަދި ޑިސެންބަރު މަހުގެ އުމްރާއަށް ރަޖިސްޓްރީވުމުގެ ފުރުސަތު ހުޅުވާލާފައިވާ ކަމަށެވެ. އޭގެ އިތުރުން ކުރިއަށް އޮތް ރަމަޟާން މަހުގެ އުމްރާއަށް ވެސް ރަޖިސްޓްރީވުމުގެ ފުރުސަތު ހުޅުވާލާފައިވާ ކަމަށް ފަރީދާ ވިދާޅުވިއެވެ.

ސެޕްޓެންބަރު އަދި ޑިސެންބަރު މަހުގެ އުމްރާގެ އަގަކީ 28،990 ރުފިޔާއެވެ. ރަމަޟާން 30 ދުވަސް 6 ރޯދައާއެކު އަގަކީ 44،000 ރުފިޔާއެވެ. އަދި ރަމަޟާން 22 ދުވަސް 6 ރޯދާއާއެކު 38،500 ރުފިޔާއެވެ.

އުމްރާ ދަތުރުތަކުގައި ބައިވެރިވުމުގެގޫގުލް ފޯމް، ފޭސްބުކް ޕޭޖުންނާއި 9110909ށް ގުޅައިގެން ވެސް ލިބޭނެއެވެ. ވޭތުވެ ދިޔަ އަހަރުވެސް ފަރީ ހައްޖު އެންޑް އުމްރާ ޓުއާޒްގެ ވަރަށް ކާމިޔާބު ދަތުރުތަކެއް ވަނީ ކޮށްފައެވެ.