ކ. މާލެ
|
23 ނޮވެންބަރ 2020 | ހޯމަ 09:32
ރައްޔިތުންގެ މަޖިލީހުގެ ރައީސް މުހައްމަދު ނަޝީދު
ރައްޔިތުންގެ މަޖިލީހުގެ ރައީސް މުހައްމަދު ނަޝީދު
ރައްޔިތުންގެ މަޖިލިސް
މަޖިލީހުގެ ސަލާމަތާއި ގުޅޭ މައްސަލަ
މަޖިލިސް ރައީސް އާއި ނައިބު ރައީސްގެ ކޮޓަރިކޮޅު ބަގް ކުރަން އުޅުނު މައްސަލައެއް
 
މި މައްސަލަ އެއްވެސް ގޮތަކަށް ފުލުހަށް ހުަށައަޅަން ގަސްތެއް ނުކުރައްވާ
 
އެއީ ފުލުހަކާއި މަޖިލީހުގެ ސެކިއުރިޓީ ސްޓާފަކާއި ދެމެދު ދެކެވުނު ވާހަކައެއް

ރައްޔިތުންގެ މަޖިލީހުގެ ރައީސް އަދި ނައިބު ރައީސްގެ ކޮޓަރިކޮޅުގައި އަޑުއަހާ ޒާތުގެ އާލާތެއް ހަރުކޮށް، ބަގް ކުރަން އުޅުނު މައްސަލައެއް ފެންމަތިވެއްޖެ އެވެ.

މިކަމާ ގުޅޭގޮތުން ހޯމަ ދުވަހުގެ ޖަލްސާގައި ވާހަކަދައްކަވަމުން މަޖިލީހުގެ ރައީސް މުހައްމަދު ނަޝީދު ވިދާޅުވީ މަޖިލީހުގެ ކޮމިޓީ ކޮޓަރިއަކާއި މަޖިލިސް ރައީސް އަދި ނައިބު ރައީސްގެ ކޮޓަރިކޮޅު ބަގް ކުރަން އުޅުނު ކަމުގެ މައްސަލައެއް ސަރޖެންޓް އެޓް އަރމްސް ރިޕޯޓުކުރައްވާފައިވާ ކަމަށެވެ.

އެއީ ފުލުހަކާއި މަޖިލީހުގެ ސެކިއުރިޓީ ސްޓާފަކާއި ދެމެދު ދެކެވުނު ވާހަކައެއްކަން ފާހަގަކުރައްވާ ރައީސް ނަޝީދު ވިދާޅުވީ އެ މައްސަލަ ސަރޖެންޓް އެޓް އަރމްސް އަދި ސެކެޓްރީ ޖެނެރަލްގެ ސަމާލުކަމަށް ގެނައީ މަޖިލީހުގެ ސެކިއުރިޓީގައި މަސައްކަތް ކުރާ މުވައްޒަފު ކަމަށެވެ.

ދާދި މިދާކަަށް ދުވަހަކު ސަރޖެންޓް އެޓް އަރމްސް ރިޕޯޓުކުރެއްވީ މި މަޖިލީހުގެ ކޮމިޓީއެއް ބަގު ކުރުމަށް، އަޑު އަހާ ޒާތުގެ އާލާތެއް، ކޮމިޓީ ކޮޓަރިއެއްގައި އާއި އަދި މަޖިލީހުގެ ނައިބު ރައީސްގެ ކޮޓަރިކޮޅުގައިއާއި އަދި އަޅުގަނޑުގެ ކޮޓަރީގައިވެސް، އަޅުގަނޑަކަށް ނޭނގޭ ކޮން ބޭނުމެއްގައި ކަމެއް، މިބާވަތުގެ އާލާތް ހަރުކުރުމަށް މަޖިލީހުގެ ސެކިއުރިޓީ ސްޓާފުންނާއި ފުލުސް އޮފީހުގައި މަސައްކަތްކުރާ މީހަކާ ވާހަކަދެކެވި، އެ ސެކިއުރިޓީ ސްޓާފް ވަނީ މަޖިލީހުގެ ސަރޖެންޓް އެޓް އަރމްސްއަށާއި ސެކެޓްރީ ޖެނެރަލް އަށް އެ މައުލޫމާތު ފޯރުކޮށްދީފަ.
މަޖިލީހުގެ ރައީސް މުހައްމަދު ނަޝީދު

މި މައްސަލަ އެއްވެސް ގޮތަކަށް ފުލުހަށް ހުަށައަޅަން ގަސްތުނުކުރައްވާކަން ރައީސް ނަޝީދު ހާމަކުރެއްވިއެވެ. މަޖިލީހުގެ ރައީސް ވަނީ އެހެންކަމުން މި މައްސަލަ ބެއްލެވުމަށް މަޖިލީހުގެ ސަލާމަތީ ހިދުމްތަކާއި ގުޅޭ ކޮމިޓީއަށް ފޮނުވާފައެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: ރިޒްނާ ޒަރީރު
28%
6%
6%
39%
6%
17%
ކޮމެންޓް