މާފުށްޓަށް އަރާ ފޭބުން މަނާކޮށްފި
22 ނޮވެމްބަރު 2020 | އާދީއްތަ 15:04މާފުށި މޮނިޓަރިންނަށް ލާފާއިވަނީ އާދިއްތަ ދުވަހު 15:43 ގައި
ކ. މާފުށި
ކ. މާފުށި މޮނިޓަރިންގެ ހާލަތަށް ގެނެސްފިއެވެ.
ހެލްތް ޕްރޮޓެކްޝަން އެޖެންސީ (އެޗްޕީއޭ)އިން އާދިއްތަ ދުވަހު މާފުށި މޮނިޓަރިންނަށް ލާފައިވަނީ ކޮވުޑް-19 އާ ގުޅިގެން ސިއްޚީ ގޮތުން އިތުރަށް ބަލަން ޖެހޭ ކަންކަން ބެލުމަށްޓަކައެވެ.
އެޗްޕީއޭއިން ވަނީ ރަށުގައި މިވަގުތު ތިބި އެއްވެސް މީހަކު އެޗްޕީއޭއިން ވަކިގޮތެއް އަންގަންދެން ރަށުން ފޭބުމާއި، އެ އެޖެންސީން ހުއްދަނެތި އެއްވެސް މީހަކު ރަށަށް އެރުން މަނާކޮށްފައެވެ.
ރަށް މޮނިޓަރ ކުރުމާއި ގުޅިގެން އެ އެޖެންސީން އަންގާ ގޮތެއްގެމަތިން، ދައުލަތުގެ ކަމާއި ބެހޭ މުއައްސަސާތަކުން އަދާކުރަންޖެހޭ ޒިންމާތައް އަދާކުރުމުގެ ގޮތުން އަންގާ އެންގުންތަކާއި އަދި ހިންގާ ހަރަކާތްތަކަށް އެއްބާރުލުންދެއްވައި އަދި މިކަމުގައި ރަށުގެ ކައުންސިލް އިދާރާގެ ފަރާތުން ކުރަންޖެހޭ ކަންކަން ވިލަރެސް ކުރާނެ ފަރާތެއް ކަނޑައަޅައި އެންގުމަށް އެޗްޕީއޭއިން ވަނީ ކައުންސިލްގައި އެދިފައެވެ.
ކޮވިޑް-19 އާއި ގުޅިގެން މީހުން ދިރިއުޅޭ ރަށްރަށުގައި ހިންގާ ގެސްޓްހައުސްތައް ބަންދުކޮށްފައިވަނީ މިދިޔަ މާޗު މަހުގެ 17 ވަނަ ދުވަހު އެވެ. ރާއްޖޭގައި އެންމެ ފުޅާ ދާއިރާއެއްގައި ގެސްޓްހައުސްގެ ވިޔަފާރި ހިންގަމުންދާ މާފުއްޓަށް އަލުން ގެސްޓްހައުސް ހުޅުވާލުމުގެ ހުއްދަ ދޫކޮށްފައިވަނީ އޮކްޓޯބަރ މަހުގެ 26 ވަނަ ދުވަހު އެވެ.
