ހައިކޯޓަށް ޗީފް އެޑްމިނިސްޓްރޭޓަރަކު ހޯދަނީ
އަސާސީ މުސާރައިގެ ގޮތުގައި ކަނޑައެޅިފައިވަނީ -/11,065 ރުފިޔާ
ދިވެހިރާއްޖޭގެ ހައިކޯޓު
ދިވެހިރާއްޖޭގެ ހައިކޯޓަށް ޗީފް އެޑްމިނިސްޓްރޭޓަރަކު ހޯދަން އިޢުލާންކޮށްފިއެވެ.
ހައި ކޯޓުން ކޮށްފައިވާ އިޢުލާނެއްގައި ބުނެފައިވަނީ އެމަޤާމަށް ޝައުޤުވެރިވާ ފަރާތްތަކުން 2020 ނޮވެންބަރު 23 ވާ ހޯމަ ދުވަހުގެ 13:30ގެ ކުރިންcareers@judiciary.gov.mvމެއިލް ކުރުމަށް އެދޭކަމަށެވެ.
މި މަޤާމުގެ އަސާސީ މުސާރައިގެ ގޮތުގައި ކަނޑައެޅިފައިވަނީ -/11,065 ރުފިޔާއެވެ.
ޗީފް އެޑްމިނިސްޓްރޭޓަރުގެ މަޤާމުގެ ޝަރުތުތަކުގެ ތެރޭގައި ހިމެނެނީ މަގާމުގެ މަސައްކަތާ ގުޅޭ ތަޢުލީމީ ރޮނގަކުން ދިވެހިރާއްޖޭގެ ޤައުމީ ސަނަދުތަކުގެ އޮނިގަނޑުގެ ލެވެލް 7 ނުވަތަ 8 ގެ ސަނަދެއް ހާސިލުކޮށްފައިވުމާއެކު، ހިންގުމުގެ ދާއިރާއެއްގައި މަދުވެގެން 6 އަހަރު ދުވަހުގެ ތަޖުރިބާ ލިބިފައިވުން ނުވަތަ މަގާމުގެ މަސައްކަތާ ގުޅޭ ތަޢުލީމީ ރޮނގަކުން ދިވެހިރާއްޖޭގެ ޤައުމީ ސަނަދުތަކުގެ އޮނިގަނޑުގެ ލެވެލް 9 ން ފެށިގެން މަތީގެ ސަނަދެއް ހާސިލުކޮށްފައިވުމާއެކު، ހިންގުމުގެ ދާއިރާއެއްގައި މަދުވެގެން 4 އަހަރު ދުވަހުގެ ތަޖުރިބާ ލިބިފައިވުމެވެ.
މީގެ އިތުރުން ވަޒީފާއަށް އެދި ހުށަހަޅާއިރު، މީލާދީގޮތުން އުމުރުން 18 އަހަރު ފުރިފައިވާ މީހަކު ކަމުގައިވުން އަދި، ވަޒީފާއިން މުސްކުޅިކުރުމުގެ އިޚްތިޔާރު ލިބޭ އުމުރު ކަމަށްވާ 55 އަހަރަށްވުރެ ދޮށީ މީހަކު ކަމުގައި ނުވުން ހިމެނެއެވެ.
އަދި ޝަރުޢީދާއިރާގެ މުވައްޒަފުންގެ ޤަވާޢިދު 2011ގެ 70 ވަނަ މާއްދާގެ (ހ)ގެ 6 އަދި 7 ވަނަ ނަންބަރުގައި ބަޔާންކޮށްފައިވާ ފަދަ ޢާއިލީ ގާތްކަމެއް ދިވެހިރާއްޖޭގެ ހައިކޯޓުގެ މުވައްޒަފަކާ ހުރި ފަރާތެއްކަމުގައި ނުވުންވެސް ހިމެނެއެވެ.
