އުރީދޫން 35 ރުފިޔާއަށް 1 ޖީބީ ޑޭޓާ ލިބޭ އޮފަރ އެއް ތައާރަފްކޮށްފި

ޖުމްހޫރީ ދުވަހާއި ގުޅިގެން އުރީދޫ މޯލްޑިވްސް އިން 35 ރުފިޔާއަށް 1 ޖީބީ ޑޭޓާ ލިބޭ އޮފަރ އެއް ތައާރަފްކޮށްފި އެވެ.

ޖުމްހޫރީ ދުވަހާއި ގުޅިގެން އުރީދޫން ހުޅުވާލި މި އޮފަރއާއި އެކު ކުރިއަށް އޮތް ހަފްތާގެ ބަންދު ދެ ދުވަހުވެސް މި އޮފާގެ ބޭނުން ކުރެވޭނެ ކަމަށް އެ ކުންފުނިން ބުނެއެވެ. މި އޮފާގެ ދަށުން އެއްވެސް ހަރަދަކާ ނުލައި ބޭނުން ވަރަަކަށް އުރީދޫގެ ނަންބަރުތަަކަށް ގުޅޭނެ ކަަމަށް ވެސް އެ ކުންފުނިން ބުންޏެވެ.

އުރީދޫން ބުނީ އެ އޮފާއަށް އެދުމަށް އުރީދޫގެ އެޕުން އެކްޓިވޭޓް ކުރެވޭނެެ ކަމަށާއި، މީގެ އިތުރުން #929އަށް ޑައިލް ކުރުމުން ވެސް އެ ހިދުމަތް އެކްޓިވޭޓް ކުރެވޭނެ ކަމަށެވެ.

އުރީދޫން އަންނަނީ ތަފާތު އެކި މުނާސަބަތުތަކާއި ގުޅިގެން އާންމުންނަށް ލުއި ފަސޭހަ އެތައް ޕްރޮމޯޝަންތަކެއް ހިންގަމުންނެވެ. މީގެ އިތުރުން އެ ކުންފުނިން އަންނަނީ ރާއްޖޭގެ ގިިނަ ރަށްތަކަކަށް އެންމެ ހަލުވި ސްޕީޑުތަކުގައި ސުޕަރނެޓުގެ ހިދުމަތް ވެސް ދެމުންނެވެ.

ކޯވިޑް 19 އާއި ގުޅިގެން ވެސް އުރީދޫ މޯލްޑިވްސްއިން ދަނީ އެ ކުންފުނީގެ މުވައްޒަފުންނާއި ކަސްޓަމަރުންނަށް އެކި ގޮތްގޮތުން އެހީތެރިކަން ފޯރުކޮށްދެމުންނެވެ.

އެގޮތުން އުރީދޫ ގްރޫޕާއި ގުޅިގެން ދިވެހިރާއްޖޭގައި ކޯވިޑް-19 އާއި ދެކޮޅަށް ކުރަމުންދާ މުހިއްމު މަސައްކަތްތަކަށް ބޭނުންވާ ވެންޓިލޭޓަރ، ޕަރސަނަލް ޕްރޮޓެކްޓިވް އިކުއިޕްމަންޓް (ޕީޕީއީ) އަދި ޓެސްޓިންގ ކިޓް ހޯދުމުގައި ދިވެހިރާއްޖޭގެ ސިއްޙީ ދާއިރާއަށް އެއްބާރުލުންދިނުމުގެ ގޮތުން 2.5 މިލިއަން ރުފިޔާގެ އެހީތެރިކަން ވަނީ ފޯރުކޮށްދީފަ އެވެ.

އުރީދޫ މޯލްޑިވްސްގެ ތަސައްވުރާއި އެއްގޮތުގެ މަތިން ޑިޖިޓަލް ޓެކްނޮލޮޖީ މެދުވެރިކޮށް ފަހި މުޖުތަމައެއް ބިނާކޮށް، ރައްޔިތުންނާއި ވިޔަފާރިވެރިންނަށް އިތުރު ފުރުސަތުތައް ފަހިކޮށް ފުޅާކޮށްދިނުމަށް އެކުންފުނިން ދަނީ ކެނޑިނޭޅި މަސައްކަތް ކުރަމުންނެވެ.

އެގޮތުގެ މަތިން މިދިޔަ އަހަރުގެ ތެރޭގައި ރާއްޖެއަށް މުޅިން އަލަށް ވަނީ އެޗް-ޑީ ވޮއިސް ގެ ޚިދުމަތާއި ވޮއިސް އޯވަރ ވައިފައި ގެ ޚިދުމަތާއިއެކު ކަސްޓަމަރުންގެ ކޯލް ކޮލިޓީ ވަރުގަދަކޮށްދީފަ އެވެ. މީގެ އިތުރުން ފެންވަރު ރަނގަޅު އިންޓަނެޓް، އުރީދޫ ސުޕަރނެޓް ޚިދުމަތް މެދުވެރިކޮށް ރާއްޖޭގެ އާބާދީގެ %65 އަށް ވަނީ ފޯރުކޮށްދީފަ އެވެ.