ރާއްޖެއިން އަންގޯލާ އާއިއެކު ޑިޕްލޮމޭޓިކް ގުޅުން ގާއިމް ކޮށްފި
10 ނޮވެމްބަރު 2020 | އަންގާރަ 19:36ބޭރު ގައުމުތަކާއިއެކު ގުޅުން ބަދަހި ކުރުމަކީ ރައީސް ސޯލިހުގެ ހާރިޖީ ސިޔާސަތެއް
ރާއްޖެއިން އަންގޯލާ އާއިއެކު ޑިޕްލޮމޭޓިކް ގުޅުން ބަދަހިކޮށް ސޮއިކުރުމުގެ ރަސްމިއްޔާތުގެ ތެރެއިން
ރާއްޖެއިން ދެކުނު އެފްރިކާގެ ގައުމެއް ކަމުގައިވާ އަންގޯލާ އާއިއެކު ޑިޕްލޮމޭޓިކް ގުޅުން ބަދަހިކޮށްފިއެވެ.
އަންގޯލާއާއިއެކު ޑިޕްލިމޭޓިކް ގުޅުން ބަދަހިކުރުމަށްފަހު ރާއްޖޭގެ ފަރާތުން އެއްބަސްވުމުގައި ސޮއި ކޮށްފައިވަނީ ޔުނައިޓެޑް ނޭޝަންސްއަށް ރާއްޖެއިން ކަނޑައަޅާފައިވާ ޕާމިނެންޓް ރެޕްރިސެންޓޭޓިވް ތިލްމީޒާ ހުސެއިންނެވެ. އަންގޯލާގެ ފަރާތުން އެއްބަސްވުމުގައި ސޮއި ކުރެއްވީ އަންގޯލާއިން އެމެރިކާއަށް ކަނޑައަޅާފައި ހުންނަވާ ޕާމިނެންޓް ރެޕްރިސެންޓޭޓިވް މާރިއާ ޑި ޖީސޫސް ޑޮސް ރީސް ފެރޭރާ އެވެ.
ރައީސް ސޯލިހު ސަރުކާރުގެ ހާރިޖީ ސިޔާސަތުގެ ދަށުން އަންގޯލާ އާއިއެކު ޑިޕްލޮމޭޓިކް ގުޅުން އަންގާރަ ދުވަހު ބަދަހިކުރިއިރު، ރައީސް ސޯލިހުގެ ސަރުކާރުން އަންނަނީ ގައުމުތަކާއިއެކު ބާއްވަމުން އަންނަ ޑިޕްލޮމޭޓިކް ގުޅުން އިތުރަށް ވަރުގަދަ ކުރުމަށް މަސައްކަތް ކުރަމުންނެވެ. އަންގޯލާ އާއިއެކު ޑިޕްލޮމޭޓިކް ގުޅުން ރާއްޖެއިން ގާއިމުކުރުމާއިއެކު ރާއްޖެއިން މިހާތަނަށް 173 ގައުމަކާއިއެކު ވަނީ ޑިޕްލޮމޭޓިކް ގުޅުން ގާއިމުކޮށްފައެވެ.
އަންގޯލާއަކީ 32.5 މީހުންގެ މީހުންގެ އާބާދީގެ ގައުމެކެވެ.
