އަނެއްކާވެސް "ލޫން ޕްރޮޖެކްޓް" ގެ ބެލޫންއެއް ރާއްޖެ ސަރަޙައްދަށް ވެއްޓިއްޖެ
10 ނޮވެމްބަރު 2020 | އަންގާރަ 08:12މި ބެލޫން ވެއްޓެމުންދާ ކަމުގެ މައުލޫމާތު ހޯމަ ދުވަހުގެ ހެނދުނު 8:30 ހާއިރު
މިއަދު ރާއްޖޭގެ ކަނޑުގެ ސަރަހައްދަށް ވެއްޓުނު \"ލޫން ޕޮރޮޖެކްޓް\"ގެ ބެލޫން ނެގުމުގެ މަސައްކަތް އެންއެންޑީއެފުން ކުރަނީ
ދުނިޔޭގެ ރޫރަލް އަދި ރިމޯޓް ސަރަހައްދުތަކަށް އިންޓަރނެޓް ފޯރުކޮށްދިނުމަށް ގޫގުލްއިން ކުރިއަށްގެންދާ "ލޫން ޕްރޮޖެކްޓް" ގެ ބެލޫންއެއް ރާއްޖެ ސަރަޙައްދަށް އަނެއްކާވެސް ވެއްޓިއްޖެއެވެ.
އަންގާރަ ދުވަހު، އެމްއެންޑީއެފުން ބުނީ ގޫގުލް "ލޫން ޕްރޮޖެކްޓް" ގެ ބެލޫނެއް ގދ. ވާދޫގެ ހުޅަނގުން އައްޑޫ ކަނޑަށް ވެއްޓުމާ ގުޅިގެން އެމްއެންޑީއެފް ސަދަން އޭރިއާގެ ސިފައިން ހަރަކާތްތެރިވާން ފަށާފައިވާ ކަމަށެވެ.
މި ބެލޫން ވެއްޓެމުންދާ ކަމުގެ މައުލޫމާތު ހޯމަ ދުވަހުގެ ހެނދުނު 8:30 ހާއިރު ލިބުމާ ގުޅިގެން އެމްއެންޑީއެފް މާލޭ އޭރިއާ އޮޕަރޭޝަން ސެންޓަރާއި ސިވިލް އޭވިއޭޝަން އޮތޯރިޓީ އަދި އެއާރ ޓްރެފިކް ކޮންޓްރޯލުން ދިޔައީ މޮނީޓަރ ކުރަމުން ކަމަށްވެސް އެމްއެންޑީއެފުން ބުނެއެވެ.
އެމްއެންޑީއެފުން ބުނީ، މި ބެލޫން ރާއްޖޭގެ ލޯކަލް އެޖެންޓުންނާއި ހަވާލުކުރުމަށް އެމްއެންޑީއެފް ސަދަން އޭރިއާ ކޯސްޓްގާޑު ސްކޮޑްރަންއިން ހަރަކާތްތެރިވަމުންދާ ކަމަށެވެ.
މީގެކުރިންވެސް ލޫން ޕްރޮޖެކްޓްގެ ބެލޫނެއް ރާއްޖޭގެ ސަރަހައްދަށް ވެއްޓިފައިވެއެވެ. މިދިއަ އޮކްޓޯބަރު މަހުގެ 29 ވަނަ ދުވަހު، ވެއްޓުނު އެބެލޫން ވެއްޓިފައިވަނީ، ގދ. އަތޮޅު އެތެރެވަރިން ނަޑެއްލާ އާއި މަޑަވެއްޔާ ދޭތެރެއަށެވެ. ބެލޫން ވެއްޓުމުގެ މަޢުލޫމާތު ލިބުމާ ގުޅިގެން، އެމްއެންޑީއެފް ސަދަން އޭރިއާގެ ސިފައިން ބެލޫން ވެއްޓުނު ސަރަޙައްދަށް ގޮސް، އެ ބެލޫން ވަނީ ހޯދާފައެވެ. އަދި، ރާއްޖޭގައި ހުންނަ ގޫގްލް ޕްރޮޖެކްޓް ޓީމާ، އެ ބެލޫން ވަނީ ހަވާލުކޮށްފައެވެ.
ބެލޫން ވެއްޓުމުގެ ސަބަބުން އެއްވެސް މީހަކަށް ގެއްލުމެއް ލިބިފައެއް ނުވެއެވެ. އަދި އޭގެ ސަބަބުން އެއްވެސް ނުރައްކަލެއް ދިމާވެފައިނުވާ ކަމަށް އެމްއެންޑީއެފުން ބުނެއެވެ.
